ሊቢያ የሚኖሩ ኢትዮጵያዉያን ችግር

ሊቢያ የሚኖሩ ኢትዮጵያዉያን ለተለያየ ችግር መጋለጣቸዉን አስታወቁ።በተለይ ከቤንጋዚ ለዶቸ ቬለ የኤስ፥ ኤም ኤስ መልዕክት ያስተላለፉ ኢትዮጵያዉያን እንደሚሉት የከተማይቱ ነዋሪ ስደተኛ ኢትዮጵያዉያንን ቅጥረኛ ወታደሮች ወይም የቅጥረኛ ወገኖች እያሉ ኢትዮጵያዉያን ስደተኞችን ደብድበዋል።ገድለዋልም።የቤንጋዚ የስልክ መስመር ባለመስራቱ መልዕክቱን ያስተላለፉትን ማነጋገር አልቻልንም።ትሪፖሊ የሚኖሩ ሌሎች ኢትዮጵያዉያን ስደተኞች እንደገለፁት ግን ቤንጋዚ የሚኖሩ ኢትዮጵያዉያን መገደል፥ መደብደብ መታሠራቸዉንም ሰምተዋል።እዚያዉ ትሪፖሊ ደግሞ ቢያንስ ሁለት ኢትዮጵያዉያን መገደላቸዉንም ገልፀዋል።ነጋሽ መሐመድ ሁለት ስደተኞችን በስልክ አነጋግሯል።ሒሩት መለሰ ደግሞ ሌላ ሰወስተኛ ስደተኛ አነጋግራላች።
ነጋሽ መሐመድ
ሒሩት መለሰ