ሁለት የኦክስጂን ማምረቻ ማዕከላት

መሠረታዊ መድሐኒት የሚባለው ኦክስጂን በየሆስፒታሉ በቀላሉ እንዲገኝ አቅርቦቱም ዘላቂ እና አስተማማኝ እንዲሆን ኢትዮጵያ ትኩረት ሰጥታ እንደምትሠራ ተገለጸ። ይህ የተገለጸው የኢትዮጵያ ፕሬዝዳንት ሳህለ ወርቅ ዘውዴ በተገኙበት በባሕር ዳር የኦክስጂን ማምረቻ እና ማከፋፈያ ማዕከል ትናንት በተመረቀበት ሥነ ሥርዓት ላይ ነው። ካባሕር ዳሩ ሌላ የደሴ የኦክስጂን ማምረቻ ማዕከልም ሥራ መጀመሩን የአማራ ክልል አስታውቋል። እነዚሁ በመንግሥት እና በለጋሽ ድርጅቶች ትብብር የተገነቡት ሁለት የኦክስጂን ማመረቻ ማዕከላት ከ10 ሚሊዮን ብር በላይ እንደወጣባቸው ተገልጿል። በሥነ ሥርዓቱ ላይ የተገኙት የኢትዮጵያ ጤና ጥበቃ ሚኒስትር በሀገሪቱ በኦክስጂን አቅርቦት እጥረት ምክንያት የሚፈለገውን አገልግሎት መስጠት እንዳልተቻለ ተናግረዋል። ዝርዝሩን ዘጋቢያችን ዓለምነው መኮንን ልኮልናል።
ዓለምነው መኮንን
ኂሩት መለሰ
ሸዋዬ ለገሠ