በኢትዮጵያ የአጫሽ ቁጥርን ለመቀነስ የሚደረግ ጥረት 

ኢትዮጵያ በቅርቡ ያወጣችው የትምባሆ ቁጥጥር ሕግ ከ 90 ቀናት በኋላ በሲጋራ ፓኬቶች ላይ አስፈሪና አስደንጋጭ ምስሎችን በማተም፡ በነጠላ ፍሬ መሸጥን በመከልከል ተግባራዊ መደረግ እንደሚጀምር ተገለፀል፡፡ ይሁንና ሕጉ አሁንም ከሲጋራ አምራች፡ አከፋፋይ እና ቸርቻሪ ድርጅቶች እክል እንዳይገጥመው ስጋት አጭሯል፡፡ የኢትዮጵያ ሥነ-ምግብ ኢንስቲቲዩት በቅርቡ በ 10 ከተሞች ላይ ባደረገው ጥናት፤ በኢትዮጵያ ውስጥ አብዛኛው ለገበያ የሚቀርበው የሲጋራ ምርት በብሔራዊ ትምባሆ ድርጅት የሚመረቱት 5 የሲጋራ አይነቶች መሆናቸዉን አረጋግጦአል። በምስራቅ አፍሪቃ ቀዳሚ የሲጋራ አምራች መሆንን ርዕዩ አድርጉ የተነሳው ድርጅቱ በሌላ በኩል መንግስት የቁጥጥር ሕግ ማውጣቱ የሚጣረስ አካሄድ ነው  በሚል በብዙዎች ዘንድ ስጋትን አጭሯ። የጤና ልማት እና ፀረ- ወባ ማኅበር ያወጣው መረጃ እንደሚያመለክተዉ፤ በኢትዮጵያ 33.4 ሚሊዮን ሕዝብ ሲጋራ ያጨሳል፤ በሲጋራ ማጨስ ምክንያት ብቻ በየዓመቱ 17 ሽህ ሰዉ ይሞታል።   

ሰለሞን ሙጬ 
አዜብ ታደሰ 
ማንተጋፍቶት ስለሺ