በየመን የኢትዮጵያውያን ስደተኞች ስቃይ

ሳውዲ አረቢያ ህገ ወጥ የምትላቸውን ኢትዮጵያውያንን ጨምሮ በሚሊዮኖች የሚቆጠሩ የውጭ ዜጎችን ብታባርርም አሁንም በርካታ ኢትዮጵያውያን በየመን አቋርጠው ወደ ሃብታም የአረብ ሃገራት መጓዛቸው አላቋረጠም ። የሰነ የመን ዘጋቢያችን ግሩም ተክለ ሃይማኖት እንደዘገበው በየቀኑ ኢትዮጵያውያን ከ 3 እስከ 4 በሚደርሱ ጀልባዎች የመን እየገቡ ነው ። እነዚሁ የመን የደረሱ ኢትዮጵያውያን ስደተኞች ለእንግልት ና ለልዩ ልዩ ስቃይ መዳረጋቸውን ዘጋቢያችን አስታውቋል ። ከሳውዲ አረቢያ ተባረው የመን የገቡ በርካታ ኢትዮጵያውያንም የከፋ ችግር ውስጥ እንደወደቁ ለዶቼቬለ ተናግረዋል ። ነጋሽ መሃመድ ግሩምንና ሁለት የመን የሚገኙ ኢትዮጵያውያን ስደተኞችን በስልክ አነጋግሯል ።

ግሩም ተክለ ሃይማኖት

ነጋሽ መሃመድ