ኤርትራ አሜሪካና የካርሰን ቪዛ ጉዳይ

በአሜሪካን ውጭ ጉዳይ ሚኒስቴር የአፍሪቃ ጉዳዮች ረዳት ሚኒስትር ጆኒ ካርሰን ኤርትራ ቪዛ እንደከለከለቻቸው ሰሞኑን የተናገሩትን የኤርትራ ውጭ ጉዳይ ሚኒስቴር መስሪያ ቤት አስተባበለ ። የአፍሪቃ ጉዳዮች ረዳት ውጭ ጉዳይ ሚኒስትር ከሆኑ ሁለት ወር የሆናቸው ካርሰን እንዳስታወቁት ወደ ኤርትራ ለመጓዝ ዋሽንግተን ለሚገኘው የኤርትራ ኤምባሲ ፅህፈት ቤት ፓስፖርታቸውን ቢተዉም ፥ ፓስፖርታቸው ያለቪዛ ባዶውን ተመልሶላቸዋል ። ስለ ጉዳዩ ዶይቼቬለ የጠየቃቸው የኤርትራ የውጭ ጉዳይ ሚኒስቴር ቃል አቀባይ አቶ ፍስስ ፅዮን ጴጥሮስ ይህ ከዕውነት የራቀ ነው ብለዋል ። ፣ ካርሰን ከዚህ ቀደም ኤርትራ የሶማሊያውን አልሸባብ ትረዳለች ሲሉ የከሰሱትንም ቃል አቀባይ አቶ ፍስሀ ፅዮን እንዲሁ ሀሰት ብለዋል ። ጎይቶም ቢሆን ከአስመራ

ጎይቶም ቢሆን/ሂሩት መለሰ/አርያም ተክሌ