ኤርትራ ዳግም የአፍሪቃ ሕብረት አባል ሆነች

ኤርትራ ለረጅም ጊዜ እራስዋን ወዳገለለችበት የአፍሪቃ ሕብረት አባልነት በመመለሷ መደሰቱን ሕብረቱ አስታወቀ።ኤርትራ ከኢትዮጵያ ጋር በገባችዉ የድንበር ዉዝግብና ግጭት ምክንያት መንበሩ አዲስ አበባ የሚገኘዉ የአፍሪቃ ሕብረት ለኢትዮጵያ ይወግናል በሚል ራሷን ከአባልነት አግልላ ነበር።ሰሞኑን ግን የሕብረቱን የአባልነት መቀመጫዋን ዳግሞ ተረክባለች።በሕብረቱ የኤርትራ ባለሙሉ ሥልጣን አምባሳደር አቶ ግርማይ አስመሮም የሹመት ደብዳቤያቸዉን ለሕብረቱ ኮሚሽን ፕሬዝዳት ለዦን ፒንግ አቅርበዉ ሥራ ጀምረዋል።የአዲስ አበባዉ ወኪላችን ጌታቸዉ ተድላ የአፍሪቃ ሕብረትን የሰላምና የፀጥታ ኮሚሽን ራምታ ላማምራን አነጋግሮ የሚከተለዉን ዘገባ ልኮልናል።

ጌታቸዉ ተድላ
ነጋሽ መሐመድ
ሒሩት መለሰ