እንቁጣጣሽ!

ኢትዮጵያው በዛሬው ዕለት አዲሱን ዓመት 2011 ዓም በደመቀ ስነ ስርዓት ተቀብላለች። ኢትዮጵያውያን በጠቅላላ፣ እንኳን ለአዲሱ ዓመት በሰላም አደረሳችሁ!

መስከረም ሲጠባ በየሜዳው የሚያብበው አደይ አበባ የሶስት ወሩ የዝናብ ወራት አብቅቶ አዲሱ ዓመት መግባቱን ያበስራል።

ሕዝቡ ከተማዎችን በተለይ በማስዋብ ነው አዲሱን ዓመት የሚቀበለው።

ኢትዮጵያውያን አዲሱን ዓመት ለመቀበል የተለያዩ ዝግጅቶችን ሲያደርጉ ሰንብተዋል። ተሰናባቹን ዓመት ለመሸኘት ከሚደረጉ ልማዶች መካከል ችቦ ማብራት አንዱ ነው።

ነጋዴዎች ገበያዎችን ለበዓሉ በሚያስፈልጉት እቃዎች ሞልተዋቸዋል። ዓመት በዓል ሲሆን የዋጋ ውድነት ቢታይም፣ ሁሉም እንደአቅሙ በመሸመት በዓሉን ያከብራል።

ለዓመት በዓሉ አንድ በግ ከስምንት መቶ ብር ጀምሮ ያወጣል።