የላስ ቬጋስ ጥቃት

በአሜሪካዋ ላስ ቬጋስ ከተማ አንድ ታጣቂ በሙዚቃ አፍቃሪዎች ላይ በከፈተው ተኩስ ቢያንስ 58 ሰዎች ገድሎ ከ200 በላይ አቆሰለ። የእሩምታ ተኩሱ ያደረሰው ጉዳት አሜሪካ በዘመናዊ ታሪኳ አይታው የማታውቀው ነው ተብሏል። ባለሥልጣናት ተጠርጣሪው ታጣቂ ስቴፈን ፓዶክ የተባለ የ64 አመት ነጭ ሽማግሌ ነው ብለዋል።

ማንዳላይ ቤይ ከተባለው ሆቴል ላይ ሆኖ የኅገረሰብ ሙዚቃ ዝግጅት ታዳሚያን ላይ ተኩስ የከፈተው ግለሰብ መገደሉን ፖሊስ አረጋግጧል። ራሱን "እስላማዊ መንግሥት" ብሎ የሚጠራው ታጣቂ ቡድን ለጥቃቱ ኃላፊነት ወስዷል። ታጣቂ ቡድኑ ጥቃቱ የተፈጸመው ከበርካታ ወራት በፊት ኃይማኖቱን ወደ እስልምና በቀየረ ወታደር የተፈጸመ ነው ብሏል። ስለጥቃቱ የአሜሪካው ወኪላችን መክብብ ሸዋን ወደ ስቱዲዮ ከመግባቴ በፊት አነጋግሬዋለሁ።


መክብብ ሸዋ
እሸቴ በቀለ
ነጋሽ መሐመድ