የአፍሪቃ ልማትና የውጩ ተጽዕኖ

ሆኖም ጥገኝነቱ እየቀነሰና ዕድገቱም እየተፋጠነ በሚሄድበት የተሻለ ዘዴ ላይ የሚካሄደው ውይይት በተለይም ባለፉት ጥቂት ዓመታት እየጠነከረ ነው የመጣው። የልማት አጋርነቱ ለመሆኑ ከምዕራቡ ዓለም ወይስ ከቻይና ጋር ነው የሚበጀው? ይህ የአፍሪቃ ሕብረት የኤኮኖሚ ጉዳይ ሃላፊ ማክስዌል እምክዌዛላምባም ባለፈው ሰንበት በካምፓላው የመሪዎች ጉባዔ አኳያ ያነሱት ጉዳይ ነበር። ባለሥልጣኑ አፍሪቃ ምዕራባውያን መንግሥታትን በቻይና መተካት ይኖርባታል ብለዋል። ለዚህ እንደ ምክንያት የጠቀሱትም ለምሳሌ በብድር አሰጣጥ ረገድ በዓለም ባንክ በኩል ጭምር ገዳቢ ቅድመ-ግዴታዎችን የሚያስቀምጡ መሆኑን ነው። በአጠቃላይ አፍሪቃ ከምዕራቡ የገንዘብ ጥገኝነት መላቀቅ አለባት ባይ ናቸው። በዚህ ጉዳይ ላይ የኤኮኖሚ ባለሙያ የሆኑትን አቱ እንዳልካቸው ተሥፋዬን አነጋግረናል።

መሥፍን መኮንን
ሂሩት መለሰ