የኢትዮጵያ መንግሥት እና የስለላ መረቡ 

አውዲዮውን ያዳምጡ። 03:01
አሁን በቀጥታ እየተሰራጨ ያለ
03:01 ደቂቃ
06.12.2017

ያልተቋረጠው የኮምፒውተር ስለላ

የኢትዮጵያ መንግስት በተቃዋሚዎቹ ላይ በዘመናዩ ቴክኖሎጂ ሰፊ የኮምፒውተር ጠለፋና የስለላ ዘመቻ አካሄደ። ይህንን ዛሬ ያጋለጠው የመብት ተሟጋቹ ድርጅት ሂውመን ራይትስ ዎች ነው።

ሂውመን ራይትስ ዎች አንድ የምርምር ማዕከል ያወጣውን ጥናት ጠቅሶ እንደዘገበዉ የኢትዮጵያ መንግሥት የስለላ ዘመቻዉን የከፈተዉ  ዉጪም አገር ዉስጥም በሚኖሩ ተቃዋሚዎቹ እና የመብት አቀንቃኞች ላይ ነዉ። የቡድኖችን እና የግለሰቦችን መረጃ መጥለፍ የሚያስችለውን ቴክኖሎጂው የሚሸጡ ኩባንያዎች ሶፍትዌሩን በሚሸጡበት ተግባር ላይ ኃላፊነት የታከለበት አሰራር እንዲከተሉ የመብት ተሟጋቹ ድርጅት ጠይቋል።
በካናዳ የቶሮንቶ ከተማ የሚገኘው ሲቲዘን ላብ የተባለው ምርምር ማዕከል ባልደረቦች ዛሬ ይፋ ባደረጉት ጥናት ውጤት የኢትዮጵያ ባለስልጣናት በተቃዋሚዎቻቸው ላይ የስለላ ዘመቻውን እንዳዳጠናከረ አሳይቷል።    

Menschenrechte Logo human rights watch

በኢየሩሳሌም የሚገኙት የሂውመን ራይትስ ዎች ባልደረባ ኦማር ሸኪር የሲቲዘን ላብ ጥናት ጠቅሰው እንዳስረዱ፣ ይኸው የኢትዮጵያ መንግሥት  ርምጃ በተለይ የተጠናከረው  ከጎርጎሪዮሳዊው 2016 ዓም ገደማ  ጀምሮ በተለይ በኦሮሚያ ክልል እና በአዲስ አበባ ዙርያ የታየውን  ተቃውሞ ተከትሎ ነው።
« የኢትዮጵያ መንግሥት በሀገር ውስጥ እና ከሀገር ውጭ በሚገኙ ተቺዎቹ  አንፃር ግዙፍ የኮምፒውተር ጠለፋ እና የስለላ ጥቃት አካሂዷል። የመንግሥቱ የሳይበር ጥቃት ዒላማ ከሆኑት መካከል ጋዜጠኞች እና የመብት ተሟጋቾች ይገኙባቸዋል። »

Oromo Proteste in Äthiopien

ሂውመን ራይትስ ዎች  በኢትዮጵያ መንግሥት ላይ በዘመናዩ ቴክኖሎጂ ግዙፍ የኮምፒውተር ጠለፋ እና ስለላ ተግባር ያካሂዳል በሚል ተመሳሳይ ወቀሳ ሲያቀርብ የመጀመሪያ ጊዜ ባይሆንም፣ ያሁኑን ከቀድሞዎቹ የተለየ ካደረጉት ጉዳዮች መካከል አንዱ ለኢትዮጵያ መንግሥት ከአንድ ዓመት ገደማ ወዲህ በላይ በተቃዋሚዎቹ ላይ ስለላውን ማጠናከር ያስቻለውን መሳሪያ ያቀረበውን ኩባንያ ለይቶ ማወቅ መቻሉ እንደሆነ ሻኪር ገልጸዋል። ሂውመን ራይትስ ዎች ቴክኖሎጂውን ለመብት ረጋጮች ሸጧል በሚል አሁን በተለይ ወቀሳውን የሰነዘረበት የእስራኤል ኩባንያ ሳይበርቢት የተባለው ነው።

« የኢትዮጵያን መንግሥት የሚያካሂደውን ስለላ በቀጥታ ከአንድ የታወቀ ኩባንያ ጋር ማገናኘት ችለናል። በኛ አስተሳሰብ ይኸው ኩባንያ የስለላውን ጥቃት ማስቆም ነበረበት፣ የእስራኤል ባለስልጣናትም የተባለውን ቴክኖሎጂ ሽያጭ መቆጣጠር  ነበረባቸው፣ ይህ ቁጥጥር ባለመደረጉ የስለላ ጥቃቶቹ ከሀገር ውጭም ሳይቀር  ቀጥለዋል። »
በመሆኑም፣ ይላሉ ኦማር ሻኪርየመብት ተሟጋቹ ድርጅት ዛሬ ባወጣው ዘገባው ይህንኑ ዘመናይ ቴክኖሎጂ  የሚሸጡ ኩባንያዎች ሶፍትዌሩ ማን እጅ ነው የሚገባው በሚለው ጥያቄ ላይ ጥንቃቄ ማድረግ አለባቸው።
« የኢትዮጵያ መንግሥት በመብት ተሟጋቾች  ላይ የዚህ ዓይነቱን ዘዴ በመጠቀም መብታቸውን የመጣስ የዳበረ ልምድ እንዳለው ይታወቃል። እና ትኩረት ሊሰጠው የሚገባው ነገር ኩባንያዎች ይህንኑ ቴክኖሎጂ  የመብት ጥሰት በመፈጸማቸው ለሚታወቁ ወገኖች  መሸጥ  የለባቸውም። » 

አርያም ተክሌ

ነጋሽ መሀመድ