የኢትዮጵያ የጋራ የገቢ ማከፋፈያ ቀመር ሊሻሻል ነው

ላለፉት 22 አመታት ሲያገለግል የነበረው በፌዴራል እና በክልል መንግስታት መካከል ያለው የጋራ የገቢ ማከፋፈያ ቀመር  ሁሉም እንዲያውቀው ከማድረግ አንጻር ግልጽነት ያልነበረው እንደነበር የፌደሬሽን ምክር ቤት አፈ ጉባኤ ወይዘሮ ኬርያ ኢብራሂም ተናገሩ፡፡ከዚህ በተጨማሪ ለ 9ኛ ጊዜ ተሸሽሎ ጥቅም ላይ የዋለው የድጎማ ቀመርም በበጀት አስተዳደርን ክፍፍል ላይ የታሰበውን ያህል ችግር ፈች ስላልነበር ሁለቱም ቀመሮች ሊሻሻሉ ነው ተብሏል፡፡

ከ15 አመታት በፊት ጥቅም ላይ ይውሉ የነበሩት የድጎማ ቀመር መስፈርቶች የድህነት መጠን ፡ የህዝብ ቁጥር እና የገቢና ወጭ ጥምርታ የነበሩ ሲሆኑ ፡ አሁን ላይ ግን የልማት ስራዎች ዋነኛ መስፈርቶች መሆናቸውንም ለማወቅ ችለናል፡፡የህዝብ ቁጥር በተዘዋዋሪ ካልሆነ በቀጥታ መስፈርት አለመሆኑንም ከክልሎች ከፍተኛ ባለስልጣናት ጋር በተደረገው የግጽነት መድረክ ላይ ተገልጽዋል፡፡የክልሎችን የበጀት አቅም ለማመጣጠን ፡ ክልሎች ለህዝቦች ተመጣጣኝ መንግስታዊ አገልግሎት እንዲሰጡ የታለመለት የድጎማ ቀመር መሰረታዊ የሚባል ክፍተት የነበረበት ነው ተብሏል፡፡
ሰለሞን ሙጬ
ኂሩት መለሰ