የእስቴ መስጅዶች ቃጠሎና መፍትሔዉ 

ደቡብ ጎንደር እስቴ ወረዳ መካነ እየሱስ ከተማ በሚኖሩ ሙስሊሞች ላይ ባለፈዉ ዕሁድ የተፈፀመው ወንጀል ማንንም እንደማይወክል የዞኑ የኮሙዩኒኬሽን ፅህፈት ቤት አስታወቀ፡፡ በአንድ የሙስሊም ሠርግ ላይ ክርስትናን የሚነቅፍ ድርጊት ተፈፅሟል በሚል ሰበብ ከተማይቱ ዉስጥ የሚገኙ ሁለት መስጂዶች ተቃጥለዋል።የሙስሊሞች ናቸዉ የተባሉ ሱቆች ተዘርፈዋልም። አንድ የከተማዋ ነዋሪ ዛሬ ለ «DW» በስልክ እንደነገሩት ከተማዋ ተረጋግታለች። የደቡብ ጎንደር ዞን የመንግስት ኮሙኒኬሽን  ኃላፊ አቶ ጥላሁን ደጀኔ በበኩላቸው ጠቡን ለማብረድ ትናንትና ባለሥልጣናት በተገኙበት ውይይት ተደርጓል። በዉይይቱ ወቅት የተቃጠሉ መስጂዶችን  ህብረተሰቡ በጋራ ለመገንባት ቃል ገብቷልም። የባሕር ዳሩ ወኪላችን  ዝርዝር ዘገባ ልኮልናል።

ዓለምነዉ መኮንን 

ነጋሽ መሐመድ 

ኂሩት መለሰ