የ ሱ ጉትንበርግ አነሳስና አወዳደቅ

እስከ ዛሬ ሳምንት ድረስ የጀርመን መከላከያ ሚኒስትር የነበሩት የካርል ቴዎዶር ሱ ጉትንበርግ አነሳስና አወዳደቅ የዛሬው አውሮፓ እና ጀርመን ዝግጅታችን ትኩረት ነው ካርል ቴዎዶር ሱ ጉትንበርግ ከጀርመን ሚኒስትሮች በወጣትነትና በሽቅርቅርነት ስማቸው ይነሳል ። መልከ መልካምና አይነ ግብ እንዲሁም ከሁሉም በላይ የጀርመን የቀድሞ የገዥ መደብ የዘር ሃረግ ያላቸው መሆኑ የብዙዎችን ትኩረት እንዲስቡና እንዲወደዱም ምክንያቶች መሆናቸው ይወሳል ። ከዚህ በመነሳትም ወደፊት ለመራሄ መንግስትነትን ሥልጣን ሊበቁ ይችላሉ ተብሎ ሲተነበይላቸውም ነበር ። ሆኖም የጥምሩ መንግስት አካል የሆነው የክርስቲያን ሶሻል ህብረት CSU ፓርቲው ሚኒስትር ሱ ጉትንበርግ በአንድ ጋዜጣ ሾልኮ በወጣ የተደበቀ ቅሌት ሰበብ ሳያስቡት ባለፈው ሳምንት ከያዙት ከፍተኛ ሃላፊነት እስከ መሰናበት ደርሰዋል ።

ሂሩት መለሰ

ሸዋዬ ለገሰ