ኢትዮጵያ

አፍሪቃ

ዓለም፣ አውሮጳ/ጀርመን

ኤኮኖሚ

ሳይንስ እና ህብረተሰብ፣ ጤና እና አካባቢ

ስፖርት

ባህል

ወጣቶች

የማኅበራዊ መገናኛ ዘዴዎች ቅኝት

ዝግጅቶቻችን በድምፅ

የዕለቱን ዝግጅት ለማዳመጥ 16:00 - 17:00

የአንድ ሣምንቱ የስርጭት ኮሮጆም "ዝግጅት"ን በመጫን ሊገኝ ይችላል። የአማርኛ፣ የኪስዋሂሊ፣ የሀውሳ፣የእንግሊዝኛ፣ የፈረንሣይኛ እና የፖርቱጊዝኛ ቋንቋ ሥርጭት በሚተላለፍበት ጊዜ በኢንተርኔት በInternet Explorer 8 በቀጥታ ማድመጥም ይቻላል። በፌስቡክ፣ በዋትስአፕ እና በviber public chat DW Amharicም ልታገኙን ትችላላችሁ። አስተያየታችሁ ዓቢይ ግምት የሚሰጠው ነው፤ በ +49-228-429-164995 ደውሉልን። በዕለቱ ዓቢይ ርዕስ ላይ በ+49 -162-1056831 በSMS አስተያየት ላኩልን። ባጠቃላይ በዝግጅታችን ላይ አስተያየታችሁን በኢሜይልም ልትልኩልን ትችላላችሁ።

amharic@dw.com

የ DW ኃላፊዎች የኢትዮጵያ ጉብኝት

ሸገር ኤፍ ኤም

ጠቅላይ ሚኒስትር ዐቢይ አህመድ የጀመሩት ማሻሻያ አንድ ዓመት ከሆነው በኋላ DW ኢትዮጵያ ውስጥ እንቅስቃሴውን ይበልጥ በማስፋፋት ላይ ነው። የ DW ዋና ዳይሬክተር ፔተር ሊምቡርግ መቶ ሚሊየን ሕዝብ ባለባት የምሥራቅ አፍሪቃዊቷ ሀገር ኢትዮጵያ የሥራ ጉብኝት ባደረጉበት ወቅት ከተለያዩ የራዲዮ የኤፍ ኤም ጣቢያዉች ጋር የትብብር ውሎችን ተፈራርመዋል። ከነዚህም ዉስጥ ሸገር 102.1 ኤፍ ኤም ሬዲዮ አንዱ ነዉ።

የ DW ኃላፊዎች የኢትዮጵያ ጉብኝት

የትብብር ዉሎች

ከተጓዳኞች መካከል ሸገር ኤፍ ኤም፤ አሃዱ ራዲዮ እና ቴሌቪዥን፤ ኢትዮ ኤፍ ኤም እና አፍሮ ኤፍ ኤም ይገኙበታል። የሸገር ኤፍ ኤም ባለቤት አቶ አበበ ባልቻ እና የ DW ዋና ሥራ አስኪያጅ ፒተር ሊምቡርግ ትብብሩን በተፈራረሙበት ወቅት የሸገር ኤፍ ኤም ሥራ አስኪያጅ ጋዜጠኛ መዓዛ ብሩ «ዶይቼ ቬለ በሚያቀርባቸው ሚዛናዊ እና ጠንካራ ዘገባዎች የተከበረ ነው።» ስትል ተናግራለች።

የ DW ኃላፊዎች የኢትዮጵያ ጉብኝት

ኢትዮ ኤፍ ኤም እና አሃዱ ራዲዮ

የኢትዮ ኤፍ ኤም ሥራ አስኪያጅ ሰይፉ ፋንታሁን በበኩሉ «በተለይ የመረጃዎች አጠራጣሪነት ሲከሰት DW ተዓማኒ የመረጃ ምንጭ ነው።» ብሎአል። በኢትዮ ኤፍ ኤም እና በአሃዱ ራዲዮ የ DW ተወዳጅ ዝግጅቶች ዳግም መሰራጨት ጀምረዋል። በዚያም ላይ በተደረገው የትብብር ስምምነት መሠረት የፌስቡክ እና የመጀመሪያው የቴሌቪዥን የቅብብል ስርጭት ይፋ ተደርጓል።

የ DW ኃላፊዎች የኢትዮጵያ ጉብኝት

DW የተሰጠዉ ከፍተኛ ቦታ እኛን አኩርቶናል

የ DW ዋና ዳይሬክተር ፒተር ሊምቡርግ ኢትዮጵያ ውስጥ ከሚገኙ የ «DW» ዘጋቢዎች ጋር ስብሰባ ባካሄዱበት ወቅትም «ለዶይቼ ቬለ እዚህ የሚሰጠው ከፍተኛ ስፍራ እኛን አኩርቶናል።» ብለዋል። «በጠንካራ እና ሚዛናዊ አዘጋገብም የዚህ አስቸጋሪ የለውጥ ሂደት ተጓዳኝ መሆን እንፈልጋለን» ሲሉም አክለዋል።

የ DW ኃላፊዎች የኢትዮጵያ ጉብኝት

የልምድ ልዉዉጥ

DW የሀገር ውስጥ ዘጋቢዎቹን ቁጥር ከሁለት ወደ ስምንት ከፍ አድርጓል። ከዓመታት ጥረት በኋላ አዲሱ መንግሥት ለአማርኛው አገልግሎት ለስድስት ዘጋቢዎች ፈቃድ ሰጥቷል። ይህም DW አሁን በጎሳ ግጭት የተጎዱ አካባቢዎችን አስመልክቶ ተከታታይ ዘገባዎች ለማቅረብ አስችሎታል። አዲሶቹ ዘጋቢዎች ስማርት ስልኮችን ተጠቅመው የቪዲዮ ዘገባዎችን የሚያጠናቅሩበት የአጭር ጊዜ ስልጠና እንዲያገኙ በመደረጉም በምስል የተደገፉ ዘገባዎችን እያቀረቡ ነው። በቅርቡ የተከሰከሰውን የቦይንግ 737 ማክስ አውሮፕላንን ገጠመኝ በምሳሌነት መጥቀስ ይቻላል።

የ DW ኃላፊዎች የኢትዮጵያ ጉብኝት

DW አካዳሚ የጋዜጠኝነት ስልጠና ተጠይቆአል

አዳዲሶቹ አጋር የመገናኛ ብዙሃንና የመንግሥት መሥሪያ ቤቶች ከ DW አካዳሚ የስልጠና ድጋፍ ጠይቀዋል። የDW አካዳሚ በያዝነው ጎርጎሪዮሳዊ ዓመት መጨረሻ አካባቢ ለኢትዮጵያ አዲስ መርሃግብር ይፋ ያደርጋል።

የ DW ኃላፊዎች የኢትዮጵያ ጉብኝት

በኢትዮጵያ ወቅታ ጉዳይ ዉይይት

ከፍተኛ አመራሮች ያካተተው የ DW ልዑካን ቡድን በኢትዮጵያ ወቅታዊ የፖለቲካ ኹኔታ ላይ ከመገናኛ ብዙኃን እና የሲቪክ ማኅበራት መሪዎች ጋር ተወያዩ። ውይይቱን ያዘጋጁት በኢትዮጵያ የጀርመን አምባሳደር ብሪታ ቫግነር ናቸው። በዉይይቱ የአማራጭ የኖቤል ሽልማት አሸናፊዋ የትነበርሽ ንጉሴ፣ የሶል ሪቤልስ መስራቿ ቤተልሔም ጥላሁን፣ ጦማሪ እና የሰብዓዊ መብት አቀንቃኙ በፍቃዱ ኃይሉ ተገኝተዋል።

የ DW ኃላፊዎች የኢትዮጵያ ጉብኝት

ዉይይት ስለሽግግር ሂደቱ መሰናክሎች

በኢትዮጵያ የጀርመን አምባሳደር ብሪታ ቫግነር ባዘጋጁት የክብ ጠረጴዛ ውይይት ኢትዮጵያን የወከሉት ወገኖች ስለሽግግር ሂደቱ መሰናክሎች፣ ስለመረጃዎች መዛባት እና ተጠያቂነት ስለመጥፋቱ አንስተዋል። የሕግ ባለሙያ፣ የሰብዓዊ መብት ተሟጋች እና የአማራጭ ኖቤል ተሸላሚዋ የትነበርሽ ንጉሤ፣ የ42 ዓመቱ የለውጥ አራማጁ ዐቢይ ኢትዮጵያን ለአስርት ዓመታት ከተቀፈደደችበት አገዛዝ «ወደ ፍቅር አገዛዝ » አምጥተዋታል ብላለች።

የ DW ኃላፊዎች የኢትዮጵያ ጉብኝት

የጎንደር ጉብኝት

የ DW ከፍተኛ አመራሮች በጎንደር ጉብኝት አድርገዋል። ከልዑካኑ መካከል የDW ዋና ሥራ አስፈፃሚ ፒተር ሉምቡርግ፣ የአፍሪካ ክፍል ተጠሪ ክላውስ ሽቴከርና የአማርኛዉ ክፍል ተጠሪ ሉድገር ሻዶምስኪ ይገኙበታል።

የ DW ኃላፊዎች የኢትዮጵያ ጉብኝት

የሽኝት ስነ-ስርዓት በአዲስ አበባ

በስነ ስርዓቱ ኢትዮጵያ ዉስጥ የተጀመረዉን የለዉጥ ሒደት የሐገሪቱ ሕዝብና ዓለም አቀፉ ማሕበረሰብ በትክክል እንዲረዳዉ አዲሱ መንግሥት ለጋዜጠኞች በሩን እንዲከፍትና መረጃ እንዲሰጥ የ DW ዋና ሥራ አስፈፃሚ ጠይቀዋል።ዋና ሥራ አስፈፃሚ ፔተር ሊምቡርግ በኢትዮጵያ ያደረጉትን የሦስት ቀን ጉብኝት ሲያጠናቅቁ እንደተናገሩት በጉኝታቸዉ ወቅት ባዩትና ከተለያዩ ወገኖች ጋር ባደረጉት ዉይይት በሐገሪቱ ያለዉን ሁኔታ ተገንዘበዋል። ኢትዮጵያን በማየታቸዉም ደስተኛ ናቸዉ።

የ DW ኃላፊዎች የኢትዮጵያ ጉብኝት

ፒተር ሊምቡርግ እና የ DW ዘጋቢዎች ጋር

ለበርካታ አስርት ዓመታት በአጭር ሞገድ ብቻ ይሰራጭ የነበረው የአማርኛው ፕሮግራም በቀደመው የመንግሥት አስተዳደር ስልታዊ በሆነ መንገድ በመታፈን ሲደናቀፍ ነበር። በኢትዮ ኤፍ ኤም እና በአሃዱ ራዲዮ የDW ተወዳጅ ዝግጅቶች ዳግም መሰራጨት ጀምረዋል። ፒተር ሊምቡርግ ኢትዮጵያ ውስጥ ከሚገኙ የዲ ደብልዩ ዘጋቢዎች ጋር ስብሰባ ባካሄዱበት ወቅትም «ለዶይቼ ቬለ እዚህ የሚሰጠው ከፍተኛ ስፍራ እኛን አኩርቶናል።» ብለዋል። «በጠንካራ እና ሚዛናዊ አዘጋገብም የዚህ አስቸጋሪ የለውጥ ሂደት ተጓዳኝ መሆን እንፈልጋለን» ሲሉም አክለዋል።

ዜና በእንግሊዝኛ

ዶይቸ ቬለ በማህበራዊ መገናኛ ዘዴዎች

አስተያየትዎ
አስተያየትዎን ለመላክ የአስተያየት መስጫውን ፎርም ይጠቀሙ።
ተፅኖ ፈጣሪ አፍሪቃዉያን ሴቶች

ከፍተኛ ድል ለኢትዮጵያ ሴቶች

አምባሳደር ሳህለ ወርቅ ዘውዴ ከጥቅምት 15 ቀን፤ 2011 ዓ.ም ጀምሮ የኢትዮጵያ ርዕሰ ብሔር ሆዉ ተሾመዋል፡፡ አምባሳደር ሳህለ ወርቅ ዘውዴ በኢትዮጵያ ታሪክ የመጀመርያዋ ሴት ፕሬዚደንት ናቸዉ። የወንዶች የፖለቲካ እና ኤኮኖሚ የበላይነት በሚታይበት ኢትዮጵያ አምባሳደር ሳህለ ወርቅ ወደ ርእሰ ብሔርነት ሥልጣን መምጣት ለሃገሪቱ ለሴቶች ከፍተኛ ድል ሆኖ ታይቶአል። ከርዕሰ ብሔር አምባሳደር ሳህለ ወርቅ ዘውዴ ሌላ የሃገሪቱ የመከላከያ ሚኒስቴርነት ሥልጣንነትን ጨምሮ አዲሱ ካቢኔ ገሚሱ ሴቶች ከፍተኛ ባለስልጣናት ሆነዋል።

ተፅኖ ፈጣሪ አፍሪቃዉያን ሴቶች

በአፍሪቃ የመጀመርያዋ ተመራጭ ሴት ፕሬዚዳንት

ኤልን ጆንሰን ሴርሊፍ በዴሞክራስያዊ ምርጫ ወደ ስልጣን የመጡ የመጀመርያዋ አፍሪቃዊት ፕሬዚዳንት ናቸዉ። ሴርሊፍ ከጎርጎረሳዉያኑ 2006 እስከ 2018 ዓ.ም የላቤርያ ፕሬዚዳንት ሳሉ ሥራ አጥነትን፤ ሃገራቸዉ ያለባትን እዳ ለመቅረፍና በሴራሌዮን የኤቦላ ቫይረስ እንዳይሰራጭ ተግተዉ ሰርተዋል። ለሴቶች ደሕንነትና ፍትህ ላበረከቱት አስተዋጽኦ በጎርጎረሳዊዉ 2011 የሰላም ኖቤል ተሸላሚም ሆነዋል። ሰርሊፍ ዛሬ በተመድ የአህጉሪቱ የፍልሰት ጉዳይ ተመልካች ቢሮ ሊቀመንበር ናቸዉ።

ተፅኖ ፈጣሪ አፍሪቃዉያን ሴቶች

ሩዋንዳዊቷ ከፍተኛ ጠበቃ

ሩዋንዳ ከ10 ዓመት ወዲህ ከፈረንሳይኛ ይልቅ ኢንጊሊዘኛ የሥራ ቋንቋ እንዲሆን ቢደነገግም የሩዋንዳ የቀድሞ የዉጭ ጉዳይ ሚኒስትር ሉዊዝ ሙሲኪዉቦ በጎርጎረሳዊዉ 2019 የሩዋንዳ የፈረንሳይኛ ቋንቋ ማኅበረሰብ ዓለምአቀፍ ድርጅት ተጠሪ እንዲሆኑ ተሾመዋል። የሉዊዝ መመረጥ በተለይ በዲፕሎማሲዉ ሥራ ከፍተኛ ቦታ የሚሰጠዉ ነዉ ተብሎአል። ሉዊዝ ሙሲኪዉቦ ከፈረንሳዩ ፕሬዚደንትና ከሌሎች የዉጭ ሃገራት ባለሥልጣናት ድጋፍን አግኝተዋል።

ተፅኖ ፈጣሪ አፍሪቃዉያን ሴቶች

አንዲት ሴት እና 193 ሃገራት

ከጎርጎረሳዉያኑ 2017 ጀምሮ በተመድ ተለዋጭ ፀሐፊ ሆነዉ በማገልገል ላይ ያሉት ናይጀርያዊትዋ አሚና ሞሐመድ ሌላዋ የአህጉሪቱ ከፍተኛ ባለሥልጣን ናቸዉ። አሚና ሞሐመድ ከጎርጎረሳዊዉ 2002 እስከ 2005 ድረስ በተመ በአምዕቱ የልማት ግቦች ዘርፍ አገልግለዋል። ከዝያ በመለጠቅ የቀድሞዉ የተመድ ዋና ፀሐፊ የባን ኪሙን ልዩ አማካሪም ነበሩ። በተመድ የአማካሪነት ሥራ ተልኮአቸዉን ሲያጠናቅቁ ደግሞ፤ በናይጀርያዉ ፕሬዚደንት ሙሃማዱ ቡሃሪ የሥልጣን ዘመን የሃገሪቱ የአካባቢ ተፈጥሮ ጉዳይ ሚኒስትር ሆነዉ አገልግለዋል።

ተፅኖ ፈጣሪ አፍሪቃዉያን ሴቶች

እዳን ለማቃለል የታገሉት ናሚቢያዊት

ናሚቢያዊቷ ሳራ ኩጎንጌላዋ አማዲላ ከጎርገረሳዉያኑ 2015 ጀምሮ ጠቅላይ ሚኒስትር ሆነዉ ናሚቢያን እያስተዳደሩ ነዉ። አሚና በሃገሪቱ የተመረጡ የመጀመርያዋ የሴት ጠቅላይ ሚኒስትርም ናቸዉ። ጠቅላይ ሚኒስትር አሚና ወደዚህ ስልጣን ከመምጣታቸዉ በፊት የሃገሪቱ የገንዘብ አስተዳደር ሚኒስትር ሆነዉ አገልግለዋል። በዚህ ስልጣናቸዉ ሃገሪቱን ከእዳ ሊያቃልል የሚችል መርህ ቀርፀዉ ናሚቢያ ከተሸከመችዉ እዳ አቃለዋታል። የኤኮኖሚ ጉዳይ ምሁርዋ ናሚቢያዊት ከጎርጎረሳዉያኑ 1995 ጀምሮ የናሚቢያ ብሔራዊ ምክር ቤት አባልም ናቸዉ።

ተፅኖ ፈጣሪ አፍሪቃዉያን ሴቶች

በሃገራቸዉ የነዳጅ ዘይት የነገሡት ባለኃብት

ኢዛቤል ዶሻንቶስ በአንጎላ አወዛጋቢ ባለሥልጣን ናቸዉ። ከጎርጎረሳዉያኑ 2016 ጀምሮ የአንጎላ የነዳጅ ምርት ኩባንያን በዳይሬክተርነት የመሩት ኢዛቤል፤ የቀድሞ ፕሬዚደንት ዶሻንቶስ ልጅ ናቸዉ። አሁን ወደ ሥልጣን የመጡት የአንጎላ ፕሬዚዳንት ለባለሥልጣናት በዝምድና የሚሰጥን ድጋፍም ሆነ ሥራ የሚቃወሙ በመሆናቸዉ ወደ ስልጣን እንደመጡ ነበር የቀድሞዉ ፕሬዚደንት የኤድዋርዶ ዶሻንቶስን ልጅ ኢዛቤልን ከነበራቸዉ ስልጣን ያነስዋቸዉ። ሆኖም ግን ኢዛቤል ዶሻንቶስ ሲያስተዳድሩት የነበረዉን የሃገሪቱን የነዳጅ ዘይት ኩባንያ ገቢ ዱባይ ወደሚገኝዉ የግል ባንካቸዉ ያከማቹ«ይሰርቁ»ስለነበር አሁንም በሃብት ዳጎስ እንዳሉ ናቸዉ።

ተፅኖ ፈጣሪ አፍሪቃዉያን ሴቶች

ያልተነገረላቸዉ ተፅኖ ፈጣሪ የኮንጎ ሴት

ምስጢር በመጠበቅና ከፍተኛ ጥንቃቄያቸዉ የሚታወቁት ጃኔት ካቢላ የዴሞክራቲክ ኮንጎ ፕሬዚዳንት የጆሴፍ ካቢላ መንትያ እህት ናቸዉ። ጃኔትና ጆሴፍ ደግሞ የቀድሞዉ የኮንጎ ፕሬዚዳንት ልጆች መሆናቸዉ ነዉ። ጃኔት ካቢላ በዴሞክራቲክ ኮንሆ የፓርላማ አባል ናቸዉ። ከዝያ በተጨማሪ የአንድ የቴሌቭዥን፤ ራድዮና የኢንተርኔት ማሳረጫ ኩባንያ ባለቤት እና አስተዳዳሪ ናቸዉ። ጃኔት አንድ ወቅት ለአንድ የፈረንሳይ መጽሔት በሰጡት ቃለ ምልልስ በሃገራቸዉ ከሚገኙት ተፅኖ ፈጣሪ ከፍተኛ ባለሥልጣናት መካከል አንዷ ነኝ ብለዉ መናገራቸዉ ይጠቀሳል።

ተፅኖ ፈጣሪ አፍሪቃዉያን ሴቶች

ወጣትዋ የማሊ የዉጭ ጉዳይ ሚኒስትር

ወጣትዋ የማሊ የዉጭ ጉዳይ ሚኒስትር ካሚሳ ካማራ በሃገሪቱ ታሪክ የተመረጡ የመጀመርያዋ ሴት የዉጭ ጉዳይ ሚኒስትር ናቸዉ። የ 35 ዓመትዋ ወጣት ሚኒስትር ለዳግመኛ የሥልጣን ዘመን ለተመረጡት ለማሊዉ ፕሬዚዳንት ባቡከር ኪየታ ካቢኔ ከተሾሙት 11 ሴት ሚኒስትሮች መካከል አንዷ ናቸዉ። የማሊ የመንግሥት የሚንስትሮች ምክር ቤት በአጠቃላይ 32 ሚኒስትሮችን ያቀፈ ነዉ።

ተፅኖ ፈጣሪ አፍሪቃዉያን ሴቶች

ናይጀርያዊቷ ባለሐብትና በጎ አድራጊ

ናይጀርያዊቷ ቱጃር ፍሎሩንሾ አላካጃ የ 1,6 ቢሊዮን ዶላር ባለንብረት መሆናቸዉ ይነገርላቸዋል። የነዳጅ ጥሪ ሃብትን በታደለችዉ ናይጀርያ ፍሎሩንሾ አላካጃ «ፋማ ኦይል» የተባለ የነዳጅ ማምረቻ ኮባንያ አስተዳዳሪና ባለንብረት ናቸዉ። ይኸዉ ንብረታቸዉ ታድያ በሃገሪቱ ከሚኖሩ ዜጎች በሐብት ክምችት ሦስተኛዋ የናይጀርያ ቱጃር አድርጎአቸዋል። እንደ አንጎላዋ ኢዛቤል ዶሻንቶስ ሁሉ ናይጀሪያዊቷ ፍሎሩንሾ አላካጃም በዓለማችን ከሚገኙ በጣም ቱጃሮች ከሚባሉት ጥቂት ሰዎች መካከል አንድዋ ናቸዉ። የ 67 ዓመትዋ ናይጀርያዊት ባለሐብት በአቋቋሙት የሕጻናት መርጃ ተቋም ወላጆች የሌላቸዉን ልጆች ይረዳሉ።

ተከታተሉን

Albanian Shqip

Amharic አማርኛ

Arabic العربية

Bengali বাংলা

Bosnian B/H/S

Bulgarian Български

Chinese (Simplified) 简

Chinese (Traditional) 繁

Croatian Hrvatski

Dari دری

English English

French Français

German Deutsch

Greek Ελληνικά

Hausa Hausa

Hindi हिन्दी

Indonesian Indonesia

Kiswahili Kiswahili

Macedonian Македонски

Pashto پښتو

Persian فارسی

Polish Polski

Portuguese Português para África

Portuguese Português do Brasil

Romanian Română

Russian Русский

Serbian Српски/Srpski

Spanish Español

Turkish Türkçe

Ukrainian Українська

Urdu اردو