ጀርመናዊ ዲዛይነር ካርል ላገርፌልድ አረፈ

በፋሽኑ ዓለም ስሙ የገነነው ጀርመናዊ የዘመናዊ የልብስ ቅድ ባለሞያ ዲዛይነር ካርል ላገርፌልድ ከዚህ ዓለም በሞት ተለየ። ላገርፌልድ ዛሬ  በ85 ዓመቱ ማረፉን የርሱ ፋሽን መለያ የሆነው ሻኔል አረጋግጧል። ላገርፌልድ ከጎርጎሮሳዊው 1983 ዓም ጀምሮ በሚመራው በፓሪሱ የሻኔል የልብስ ፋሽን ትርዒት ላይ ከአንድ ወር ወዲህ መታየት አቁሞ ነበር። ከፈረንሳዩ ሻኔል በተጨማሪ ላገርፌልድ ለኢጣልያው ፌንዲም ይሰራ ነበር። በፋሽኑ ኢንዱስትሪ የተሰማሩ ባለሞያዎች እና አድናቂዎቹ በላገርፌልድ ሞት የተሰማቸውን ሀዘን እየገለጹ ነው። ላገርፌልድ  ፀጉሩን በፖኒቴል በማስያዝ እና ከዓይኑ በማይለየው ጥቁር መነጽር ይታወሳል።

ኂሩት መለሰ

አዜብ ታደሰ