ግብፅ ከአብዮቱ ማግስት

በአገሪቱ የሙባረክ አገዛዝ እንዲያከትም ያስገደደዉ የህዝብ አመፅ፤ እሳቸዉን ከመንበራቸዉ አዉርዶ ቢዘናቀቅም፤ ተቃዉሞዉን የቀሰቀሰዉ አብይ ጉዳይ ገና ምላሽ እንዳላገኘ ተቃዋሚዎች እየገለፁ ነዉ። ባንክን ጨምሮ በርካታ የመንግስት ሠራተኞች ሙስናን በመቃወምና የደሞዝ ጭማሪ በመጠየቅ የስራ ማቆም አድማ መትተዋል። ህዝቡ እንደጨካኝ ሲመለከተዉ የቆየዉ የአገሪቱ ፖሊስ አባላትም እነሱም በሙባረክ ስርዓት ተጎጂዎች ነን በሚል ከህዝብ ጎን መቆማችን እንዲታወቅ ሲሉ ትናንትናና ዛሬም ሰልፍ ወጥተዋል። በትረ ስልጣኑን የጨበጠዉ የወታደራዊ ኮሚሽን በበኩሉ፤ ህዝቡ ወደስራዉ እንዲመለስ በመጠየቅ በስድስት ወራት ጊዜ ዉስጥ ዴሞክራሲያዊ ምርጫ በግብፅ እንዲካሄድ አደርጋለሁ ብሏል።

ሸዋዬ ለገሠ

ተክሌ የኋላ