ፈረንሳይ ለፍፃሜው ደረሰች

ሩሲያ ላይ እየተካሄደ በሚገኘው የዓለም የእግር ኳስ ዋንጫ ትናንት ምሽት በተደረገው እና ሁለቱን ጎረቤት ሃገራት ቤልጅየም እና ፈረንሳይን ባገናኘው ጨዋታ ፈረንሳይ ድል ቀንቷታል። ፈረንሳይን ለፍፃሜው ጨዋታ ያደረሳትን ግብ ተከላካዩ ሳሙኤል ዩን ኪቲ በጭንቅላቱ ገጭቶ ያስቆጠረው ብቸኛ ጎል ነው።

ፈረንሳይ በዓለም ዋንጫ ለመጨረሻ ጊዜ ለፍፃሜው ጨዋታ የቀረበችው በጎርጎሪዮሳዊው የዘመን ቀመር 2006ዓ,ም ጀርመን ላይ በተካሄደው የዓለም የእግር ኳስ ዋንጫ ጨዋታ ጊዜ ነበር። ቡድኑ ለዚህ በመድረሱ ብቻ ሳይሆን በተጫዋዎቹ ብቃትም የተደሰቱት ፈረንሳውያን ትናንት ምሽቱን የፓሪስን ዋና ዋና ጎዳናዎች በሰንደቅ ዓላማቸው እና በርችቶች ታጅበው ደስታቸውን ገልጸዋል። ይህ የድል ስሜትም በመላው የፈረንሳይ ከተሞች መስተጋባቱን ፓሪስ የምትገኘው ዘጋቢያችን ሃይማኖት ጥሩነህ በላከችው ዘገባ ጠቅሳለች።

ሃይማኖት ጥሩነህ

ሸዋዬ ለገሠ

ሂሩት መለሰ

 

ከማዕቀፉ ተጨማሪ ዘገባዎች