በኤርትራ እና የሱዳን ስደተኞች መካከል በተነሳ ፀብ በርካቶች ተጎዱ

በፈረንሳይ ካሌ በሚገኙ በኤርትራ እና በሱዳን ስደተኞች መካከል በተነሳ የእርስ በዕርስ ፀብ በርካታ ስደተኞች ተጎድተው ወደ ሆስፒታል መወሰዳቸውን የካሌ ፖሊስ አስታውቋል። ሰባት ሱዳናውያን እና ሁለት ኤርትራውያን ጉዳት እንደደረሰባቸውም ፖሊስ አስታውቋል። ስደተኞች ለጊዜው ተጠልለውበት በሚገኙ የካሌ አቅራቢያ ስፍራዎች ባለፈው ዕሮብ ምሽት ነበር ዱላ በያዙ ስደተኞች ፀብ የተቀሰቀሰው።  ፀቡም እስከ ሀሙስ ዘልቆ ነበር። ፖሊስም ሁኔታውን ለማረጋጋት ርምጃ መውሰዱን እና አስለቃሽ ጭስ መጠቀሙን ገልጿል። በአራት ፀጥታ ማስከበር ተግባር ላይ የነበሩ ፖሊሶች ላይም ጉዳይ መድረሱ ተነግሯል። 

ሐይማኖት ጥሩነህ 
ልደት አበበ