«ሕክምና ቅዱስ ነው አታርክሱት» ተቃውሞ የወጡ ተለማማጅ ሐኪሞች

በአዲስ አበባ የሚገኘው የቅዱስ ጳውሎስ ሆስፒታል ሚሊኒየም ሜዲካል ኮሌጅ ተመራቂ ተማሪዎች ከሙያቸው ጋር የተያያዙ ጥያቄዎችን በማንሳት ዛሬ ተቃውሞ አደረጉ። ተማሪዎቹ ሰላማዊ ተቃውሟቸውን ያሰሙት በቅዱስ ጳውሎስ ሆስፒታል ግቢ ውስጥ ነው። 
ተማሪዎቹ በተቃውሞ ላይ ካነሷቸው ጥያቄዎች መካከል «የሚከፈለን እና የምንሠራው ተመጣጣኝ ይሁን» ፣ «ሥራ እንፈልጋለን» የሚሉ ይገኙበታል። “በጤና ባለሙያዎች ላይ የሚደርስን ማዋከብ እንቃወማለን” ያሉት ተማሪዎቹ “የህክምና ሙያ ይከበር” ሲሉ አሳስበዋል። በተማሪዎች ላይ ከሚደርሱ ችግሮች በተጨማሪም በአጠቃላይ ”የጤና ዘርፉ ለውጥ እንደሚያሻውም” ጠቁመዋል። 
የሳይንስ እና ከፍተኛ ትምህርት ሚኒስቴር ማምሻውን «ሰሞኑን በአንዳንድ የከፍተኛ ትምህርት ተቋማት የህክምና ትምህርት ተማሪዎቻችን ያነሷቸውን ጥያቄዎች በጥሞና በማጤን በተነሱት እና ሌሎች ተያያዥ ጉዳዮች ላይ ከነገ ሚያዝያ 15 ቀን 2011 ዓ ም ጀምሮ በሁሉም ትምህርት ተቋማት ውይይት የሚካሄድ መሆኑን እንገልጻለን» ብሏል።

ሰለሞን ሙጬ

እሸቴ በቀለ

ተስፋለም ወልደየስ