የአርበኞች ግንቦት ሰባት አቋም

የንቅናቄዉ ሊቀመንበር ዶክተር ብርሐኑ ነጋ ዛሬ በተለይ ለዶቸ ቬለ እንደነገሩት ለዉጡን ለመቀልበስ የሚሸረበዉን ሴራ ለማክሸፍ ድርጅታቸዉ አበክሮ ይታገላል። ዶክተር ብርሐኑ «በቀድሞዉ ሥርዓት የሚያጋብሱት ጥቅም የቀረባቸዉ ያሏቸዉ ኃይላት አዲስ አበባን ጨምሮ በተለያዩ አካባቢዎች ሕዝቡን ለማወክ የሚያደርጉት ሙከራ እና የሚወስዱት እርምጃ እራሳቸዉን የሚያጠፋ ነዉ ብለውታል። አርበኞች ግንቦት ሰባት ለዉጡን ከአደጋ ለማዳን አስፈላጊዉን ሁሉ እንደሚያደርግም ዶክተር ብርሐኑ አስታዉቀዋል። ዛሬ ብራስልስ ቤልጂግ የሚገኙትን ዶክተር ብርሐኑን ነጋሽ መሐመድ አነጋግሮአቸዋል። የመጀመሪያዉ ጥያቄ የብራስልስ ጉብኝታቸዉን አላማ የሚመለከት ነበር።

ነጋሽ መሐመድ

ሸዋዬ ለገሠ