የእርቀ ሰላም ውይይት

በስደት የሚገኘው የኢትዮጵያ ኦርቶዶክስ ተዋህዶ ቤተ ክርስቲያን ሲኖዶስ  በዚህ ሳምንት ይጀመራል ተብሎ ለሚጠበቀው ከኢትዮጵያ ኦርቶዶክስ ተዋህዶ ቤተ ክርስቲያን ሲኖዶስ ጋር ለሚደረገው እርቀ ሰላም  ሦስት ብጹአን አባቶችን መምረጡን አስታውቋል። ከቤተክርስቲያኗ ሲኖዶስ የተወከሉ ሦስት ብጹአን አባቶች ከነገ በስተያ ለዚሁ የእርቅ ውይይት አሜሪካን ይገባሉ ተብሎ ይጠበቃል። በእርቅ ይጠናቀቃል ተብሎ ተስፋ በተጣለበት በዚህ ውይይት ማጠቃለያ ላይ የኢትዮጵያ ጠቅላይ ሚኒስትር ዐብይ አህመድ ይገኛሉ ተብሏል። ዶቼቬለ ስለጉዳዩ ያነጋገራቸው በስደት የሚገኘው የኢትዮጵያ ኦርቶዶክስ ተዋህዶ ቤተ ክርስቲያን የቅዱስ ፓትሪያርኩ ልዩ ጽህፈት ቤት ሃላፊ በዚህ ውይይት የቤተ ክርስቲያኗ አንድነት እውን ይሆናል ብለው ተስፋ እንደሚያደርጉ ተናግረዋል። የዋሽንግተን ዲሲው ዘጋቢያችን መክብብ ሸዋ ዝርዝሩን ልኮልናል። 

መክብብ ሸዋ

ኂሩት መለሰ

አዜብ ታደሰ