የኤርትራ የሰብዓዊ መብት ይዞታ እንዲመረመር ተጠየቀ

የጋዜጠኞች መብት ተሟጋቹ ሲፒጄ እና 29 የሲቪክ ድርጅቶች የተባበሩት መንግሥታት ድርጅት የሰብዓዊ ምክር ቤት አባላት የኤርትራን የሰብዓዊ መብት ይዞታ እንዲመረምሩ ጠየቁ። የሲቪክ ድርጅቶቹ በሚቀጥለው ሳምንት በጄኔቫ ከሚደረገው የምክር ቤቱ ስብሰባ በፊት ጉዳዩን በጥሞና እንዲታይ የሚጠይቅ ደብዳቤ ፅፈዋል። በደብዳቤው ነፃ እና ገለልተኛ መገናኝ ብዙኃን በኤርትራ ዛሬም አለመኖራቸው፤16 ጋዜጠኞች ያለ ፍትኅ በእስር ላይ መገኘታቸውን ድርጅቶቹ ገልጸዋል። የኤርትራ ባለሥልጣናት በእስር ላይ የሚገኙ ጋዜጠኞች በሕይወት ለመኖራቸው ማረጋገጫ ሊያቀርቡ እንደሚገባም ጠይቀዋል። ይኸው ደብዳቤ በኤርትራ ያለው የሰብዓዊ መብት አያያዝ አስከፊ መሆኑንም ነቅፏል። አምነስቲ ኢንተርናሽናል፤ ድንበር የለሽ የጋዜጠኞች ቡድን፣ ሒውማን ራይትስ ዎች እና የኤርትራ የሲቪክ ማኅበራት ደብዳቤውን ከፃፉት መካከል ይገኙበታል።
መክብብ ሸዋ

እሸቴ በቀለ

አዜብ ታደሰ