1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo

A farkon watan Nuwamba za a fara shari'ar Mohamamed Mursi

October 9, 2013

Ana tuhumar tsohon shugaban na Masar da hannu a mutuwar masu zanga-zanga a lokacin wani bore a gaban fadar shugaban a cikin watan Disamban shekarar 2012.

https://p.dw.com/p/19wsE
Egypt's President Mohamed Mursi reviews troops in an official ceremony before a meeting with Brazil's President Dilma Rousseff at the Planalto Palace in Brasilia in this May 8, 2013 file photo. Deposed Egyptian president Mursi is to stand trial on charges of committing and inciting violence, a state prosecutor decided on September 1, 2013, an escalation of the army-backed authorities' crackdown on his Muslim Brotherhood. REUTERS/Ueslei Marcelino/Files (BRAZIL - Tags: CRIME LAW CIVIL UNREST POLITICS HEADSHOT)
Hoto: Reuters

Kafofin yada labarun gwamnatin Masar sun rawaito cewa a ranar 4 ga watan Nuwamba hambararren shugaban kasar Mohammed Mursi zai gurfana gaban kotu bisa zargin angiza magoya bayansa su yi bore. Za a gurfanar da tsohon shugaban ne tare da wasu mutane 14 a gaban kuliya. Ana tuhumarsu da hannu a mutuwar masu zanga-zanga da dama a lokacin wani bore a gaban fadar shugaban kasa a cikin watan Disamban shekarar 2012. A cikin watan Yuli da ya gabata sojojin suka kifar da gwamnatin Mursi na kungiyar 'Yan uwa Musulmi. Tun sannan ne kuma ake tsare da shi a wani wuri da ba sani ba. Su kuma magoya bayan kungiar ta 'Yan uwa Musulmi sun yi ta gudanar da zanga-zangar neman a sake maido da shi kan karagar mulki. A karshen watan Satumba sabbin mahukuntan Masar suka haramta ayyukan kungiyar.

Mawallafi: Mohammad Nasiru Awal
Edita: Umaru Aliyu