1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Siyasa

An kama manyan jami'ai a Habasha

Muntaqa Ahiwa
November 13, 2018

Hukumomi a kasar Habasha sun kama wasu mutane 63, da suka hada da 'yan sanda ciki da sojoji da ma wasu 'yan kasuwa, wadanda aka zarga da laifukan take hakki da cin hanci da rashawa.

https://p.dw.com/p/388RV
Äthiopien verhaftet 63 wegen Verdachts auf Menschenrechtsverletzungen, Korruption. Der Generalstaatsanwalt Berhanu Tsegaye sagte heute (03.11.2018) lokalen Journalisten, dass die Inhaftierung nach fünf Monaten Ermittlungen erfolgt.
Hoto: DW/Y. Geberegziabeher

Manya-manyan kame da ake yi a kasar ta Habasha, na zuwa ne bayan umurnin da Firaminintsa Abiy Ahmed ya bayar na aiwatar da bincike kan wadanda suka aikata ba dai dai ba lokacin gwamnatin da ta gabata.

Wasu ma daga cikin kamen da aka yi sun hada da wadanda ake zargin suna cuzguna wa fursunoni a gidajen yari da azaftar da jama'a da sunan neman bayanai da fyade; sai kuma uwa-uba kisa.

Haka ma daga cikin wadanda ake nema a yanzu, har da tsohon shugaban hukumar leken asirin kasar, wanda ake zargin shi da hannu a yunkurin halaka Firaminista Abiy a ranar 23 ga watan Yunin da ya gabata.