1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW

An kashe mayakan al-Shabaab 100 a Somaliya

Abdul-raheem Hassan
November 21, 2017

Jiragen yakin Amirka sun yi nasara kan mayakan, a wani somame da suka kaddamar a sansanonin kungiyar da ke da nisan kilomita 200 da babban birin kasar Mogadishu.

https://p.dw.com/p/2o1CZ
Somalia Soldat 22.02.2014 Mogadischu
Hoto: Mohamed Abdiwahab/AFP/Getty Images

A wata sanarwa da rundunar sojojin Amirka suka fitar, na cewa harin na hadin gwiwa ne da ya samu goyon bayan dakarun gwamnatin Samaliya a yunkurin kakkabe 'yan tawaye da ke barazana da rayuwar fararen hula da sojoji a Somaliya.

Sanarwar ta ce za a ci gaba da kai farmaki kan mafakar mayakan a duk inda suke a fadin kasar, Amirka dai na ci gaba da kaddamar da jerin hare-hare kan kungiyar al-Shabaab a cikin wannan shekara da nufin tabbatar da alkawuran shugaban Amirka Donald Trump na kakkabe tsagerun kungiyoyi masu tsauraran akidu a gabashin Afirka.