1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo

An kori wani Limami mai tsattsauran ra'ayin adini a Beljiyam

Salissou BoukariJuly 14, 2015

Kasar Beljiyam ta kudiri aniyar korar Limamin wani Masallaci da ya shahara wajan yin wa'azin da ya sanya matasa da dama yanke shawarar shiga kungiyar 'yan jihadi ta IS.

https://p.dw.com/p/1Fyb2
Hoto: AFP/Getty Images/E. Dunand

Shi dai wannan Limamin mai suna Shayh Alami, na a birnin Vervier ne a kasar ta Beljiyam kuma dan kasar Holland ne amma kuma tushensa dan asalin kasar Maroko. Yana da mata da kuma 'ya'ya hudu kuma yana Limancin ne a wani Masallaci na 'yan Somaliya da ke birnin na Vervier.

A jiya Litinin ne dai hukumomin da ke kula da 'yan gudun hijira na kasar ta Beljiyam suka dauki wannan kudiri na korar wannan Limami har na tsawon shekaru 10 nan gaba. Hukumomin dai sun bashi kwanaki talatin na ya bar kasar amma kuma sun ce ya na da damar daukaka kara kan wannan mataki a gaban kotu.