An saki Hosni Mubarak daga gidan yari

Sallamar ta Mubarak dai ya biyo bayan umarnin da babban mai gabatar da kara na kasar ya bada da safiyar yau, inda ya ce a sallame shi tunda alkalan da ke masa shari'a sun ce ba za su cigaba da tsare shi ba bisa tuhumar da ake masa.

Jim kadan bayan da aka sake shi, an dauke shi a wani jirgi mai saukar ungulu zuwa wani asibitin soji da ke birnin Alkahira don duba lafiyarsa inda nan gaba ne ake sa ran komawarsa gida.

Sai dai mahukuntan kasar sun ce zai kasance karkashin daurin talala in ya koma gida kasancewar akwai sauran shari'ar da zai fuskanta nan gaba.

Magoya bayan na Mubarak dai sun yi ta sowa a gaban gidan yarin Tora lokacin da aka sake.

Mawallafi: Ahmed Salisu
Edita: Mouhamdou Awal