1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Al'adu

An sallami Fafaroma daga asibitin Italiya

Zaharaddeen Umar
April 1, 2023

Kamfanin dillancin labarun Jamus, DPA, ya ce Fafaroman ya gana da 'yan jarida a kofar asibitin da ya kwanta na kwanaki uku, inda ya shaida musu cewa yana nan a raye.

https://p.dw.com/p/4PafE
Hoto: Remo Casilli/REUTERS

An sallamo shugaban Kiristocin duniya mabiya darikar Katolika Fafaroma Francis daga asibiti bayan jinyar ciwo mai nasaba da numfashi.

A yayin tattaunawarsa da manema labarai ta wannan Asabar, Fafaroma ya ce zai halarci dandalin Saint Peters Square domin jagorantar taron ibadar da aka saba yi a duk shekara.

Da farko dai mabiya sun nuna damuwa tare da fargabar shugaban na Katolika ba zai samu sukunin jagorantar ibadun Ista da za a yi a wannan wata na Afrilu ba. To amma Fafaroma mai shekaru 86 ya ce tun a ranar Laraba ya fara samun saukin jikinsa, inda ma ya yi amfani da damar wajen jinjina wa malaman asibiti da ya ce sun nuna jarumta wajen samar da waraka.