1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo

An tarwatsa magoya bayan Morsi a Masar

August 13, 2013

Magoya bayan tsohon shugaban Masar Mohamed Morsi da masu adawa da shi sun yi fito na fito tsakaninsu. Lamarin da yasa 'yan sanda amfani da karfi wajen shiga tsakani.

https://p.dw.com/p/19Ou4
Police detain a supporter of ousted Egyptian President Mohamed Mursi during clashes in central Cairo August 13, 2013. Clashes broke out in central Cairo on Tuesday when Mursi supporters came under attack as they marched to the Interior Ministry, a Reuters reporter said. Supporters of the new military-installed government hurled stones at the marchers and threw bottles at them from balconies. Police then fired tear gas at the pro-Mursi protesters. A few thousand pro-Mursi protesters were taking part in the march when the trouble erupted. Local residents taunted them, calling them terrorists and saying they were not welcome. They then began throwing stones at them. REUTERS/Mohamed Abd El Ghany (EGYPT - Tags: POLITICS CIVIL UNREST TPX IMAGES OF THE DAY)
Hoto: Reuters

'Yayan Kungiyar 'Yan Uwa Musulmi sun yi arangama da magoya bayan gwamnatin Masar da ke ciki a yanzu, inda suka yi ta jifar junansu da duwatsu a tsakiyar birnin Alkahira. Babu dai alkaluma game da adadin da suka jikata, amma kuma rahotannin sun nunar da cewar mata da kananan yara sun tsere domin tsira da rayukansu. 'Yan sanda sun yi amfani da barkono mai sa hawaye wajen shiga tsakanin bangarorin biyu da ke gaba da juna.

Su dai magoya bayan Hambararen shugaban Masar suna ci-gaba ne da gangami domin tilasta wa hukuhamin kasar sakin Mohamed Morsi tare da mayar da shi kan karagar mulki. Makwani shida ne dai aka shafe a Masar ana kai ruwa rana tsakanin 'Yan Uwa Musulmi da kuma bangaren gwamnatin rikon kwarya. Sojojin wannan kasa suna ci-gaba da barazanar amfani da karfin tuwo wajen tarwatsa zaman dirshen da magoya bayan Mohamed Morsi ke yi. Sai dai jami'an dipolomasiya na jan hankalin mahukunta kan bukatar kaucewa tashin hankali da kuma zubar da jini.

Mawallafi: Mouhamadou Awal
Edita: Saleh Umar Saleh