1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo

Ana ci gaba da kai hare-haren kunar bakin wake a Mali

September 28, 2013

Sojojin Mali da dama sun sami rauni sakamakon harin kunar bakin wake a yankin arewacin kasar.

https://p.dw.com/p/19q2X
A Malian soldier sits in front of the courthouse on February 22, 2013 in Gao. Five people, including two suicide bombers, died Friday in car bombings in northern Mali, a day after fierce urban battles between French-led forces and Islamists left up to 20 extremists dead, officials said. France sent troops to Mali on January 11 to help the Malian army oust Islamist militants who last year captured the desert north of the country. AFP PHOTO /JOEL SAGET (Photo credit should read JOEL SAGET/AFP/Getty Images)
Hoto: JOEL SAGET/AFP/Getty Images

Kwamandan wani sansanin soji kasar Mali Kanal Keba Sangare ya bayyana cewa, wasu 'yan harin kunar bakin wake sun mutu yayin da sojoji da dama suka jikkata bayan da maharan suka tashi Bom din da ke jikin motarsu a kusa da sansanin sojin dake arewacin kasar ta Mali.

Wanna dai shi ne karo na biyu da masu harin kunar bakin wake ke kai farmaki kan sansanonin jami'an tsaron kasar, tun bayan da kungiyar 'yan tawayen Abzinawa ta bayyana dakatar da shiga cikin tattaunawar sulhu da gwamnati.

Tun dai a farkon wannan shekarar da muke ciki ne a ka cimma yarjejeniyar fara tattaunawar sulhu tsakanin gwamnatin da 'yan tawayen Abzinawan. Sai dai kuma ranar Alhamis (26. 09. 13) din da ta gabata, 'yan tawayen sun sanar da janyewa daga tattaunawar.

Mawallafiya : Lateefa Mustapha Ja'Afar
Edita : Saleh Umar Saleh