1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Siyasa

Bakin haure 21 sun mutu a tekun Baharum

Ramatu Garba Baba
March 6, 2018

Bakin haure akalla 21 ne ake fargabar sun mutu a tekun Mediterranean, bayan da aka yi nasarar ceto wasu mutane saba'in da biyu daga cikin kwalekwalen da ya yi hadari a tsakiyar tekun.

https://p.dw.com/p/2tmHb
Libyen Küstenwache Flüchtlinge
Hoto: Getty Images/AFP/T. JAwashi

Wata kungiyar bayar da agaji ta shaida cewa an kai wadanda suka tsira daga hadarin zuwa wani wuri da ke a tsibirin Sicily dake daf da gabar tekun.

A sanarwar da kungiyar ta fitar a jiya ta ce, daga cikin mutane da aka yanto, akwai wata mata mai juna biyu da kuma wasu yara kanana goma sha hudu da ke wannan bulaguro ba tare da rakiyar dangi ko iyaye ba. Akasarin bakin hauren da hadarin ya rutsa da su, sun fito ne daga kasashen yammancin Afrika.