Makarantun allo a kasar Senegal

Dan makarantar allo "Talibes"

Omar Wone dan shekara takwas almajiri ne a wata maratantar allo da a kasar Senegal ake kiransu da "Talibes" wato Dalibai. Omar yana zaune a kan tabarma a makarantar inda a nan yake kuma rayuwa yana koyan karatun Al-Kur'ani a garin Saint-Louis. Omar na fama da ciwon kirji.

Makarantun allo a kasar Senegal

Yawon bara maimakon karatu

Bassirou ya ce a rana yana kwashe awa biyar kaca a makaranta yayin da yake kwashe tsawo awa 12 yana yawon bara. "Idan ba mu sami isasshen kudi da za mu koma makaranta mu kwana ba, mu kan kwana a waje don kaurace wa shan duka a makaranta. Ina fushi da iyayena suka bar ni ni kadai a can."

Makarantun allo a kasar Senegal

Yi wa malam bauta

Suleiman (hagu) mai shekaru 10 almajiri ne a makarantar allo da abokinsa shi ma almajiri na makarantar Daara, suna bara a kan titin garin Saint-Louis na kasar Senegal. "Ba zan iya zuwa ganin iyayen ba sai na gama makaranta" inji Suleiman. "A kullum ina kai wa malaminmu Francs 200, ko kuma ya lakada mini duka. Sau da yawa ba na samun wannan kudi."

Makarantun allo a kasar Senegal

Ana tilasta wa almajirai yin bara

Moussa almajiri ne daga garin Futa, a nan ya debo ruwa a cikin bakin bokiti don yin wanka a harabar kungiyar Maison de la Gare da ke tallafa wa yara a Saint-Louis. "Iyayena sun san ina bara ina ba wa malamina kudin, amma ba sa yin komai a kai. Ba na son yin bara amma an tilasta mini. Ana lakada mini duka idan ban kai kudi ba," inji Moussa.

Makarantun allo a kasar Senegal

Bara a cikin yanayi an tsoro

Amadou dan shekaru bakwai, almajirin makarantar allo ne, a hoto nan ya razana da ya ga wata mata lokacin da yake bara a kofar wani shago da ke a garin Saint-Louis na kasar Senegal. Akasari maimakon yaran su zauna makaranta su yi karatu, malamansu na tilasta musu shiga gari yin bara don su kawo musu kudi.

Makarantun allo a kasar Senegal

An gudu amma ba a tsira ba

El Hadj Diallo (dama) tsohon dan makarantar allo ne amma yanzu yana tallafa wa yara almajirai su sake sajewa cikin al'umma. A nan yana zantawa da Ngorsek dan shekaru 13 da ke yawon tsintar abinci a kwandon shara. Ya ce ya gudu daga makaranta don ya gaji da yadda malaminsu ke cin zarafinshi yana lakada masa duka. Ya ce shekaru 10 ke nan, abin ya isa haka.

Makarantun allo a kasar Senegal

Ci da gumin almajirai na makarantun allo

Mamadou Gueye (na biyu daga dama) malamin yara da ke gararamba a titi da Issa Kouyate (hagu) wanda ya kafa kungiyar Maison de la gare, da ke taimaka wa yaran da ke yawo kan titi sake shiga cikin al'umma. A nan suna wa wani yaro dan shekara takwas rakiya bayan sun ceto shi daga hannun matashin da ke tsakiyarsu yana wa yaron fyade a garin Saint-Louis. Yaron dai dan makarantar allo ne.

Makarantun allo a kasar Senegal

Ga takaici ga ban tausayi

Issa Kouyate na kungiyar Maison de la Gare da ke tallafa wa yara almajirai, a nan yana kuka lokacin da yake magana da wani almajiri dan shekaru 8, da ya ceto daga wani matashi da ke lalata da shi, yayin da suke sintiri cikin dare. Yaron dai shi daya ne a waje yana neman wurin kwana lokacin da matashin ya ja shi da karfi. Ya gudu daga makaranta don bai samu isasshen kudin da zai kai wa malam ba.

Makarantun allo a kasar Senegal

Tallafi daga tsohon dan makarantar allo

El Hadj Diallou da ke zama tsohon almajiri na wata makarantar allo, yanzu ya zama ma'aikacin kiwon lafiya a kungiyar Maison de la Gare da ke tallafa wa yara almajirai da ke gilo a kan tituna don su sake shiga cikiin al'umma. A wannan hoton yana wa yaran aski don sa musu maganin kurajen da ke fito musu a ka. Yaran dai almajirai ne na wata makarantar allo da ke garin Saint-Louis.

Makarantun allo a kasar Senegal

Koyon Karate don kare kai

Demba dan shekaru takwas yana koyon Karate a harabar kungiyar Maison de la Gare. Ya ce yana son ya zama soja don kare al'umma ta kuma zauna lafiya. Demba daya ne daga cikin almajirai a Senegal da malamai ke ci da guminsu. Ya ce suna shan wahala sosai a makarantun allo, iyaye kuma ba ruwansu da halin da 'ya'yansu ke ciki a makarantun allon.

Mata 10 da suka yi fice a kwallon kafa

Ada Hegerberg - 'Yar wasar da ta fi kowa iya taka leda

'Yar wasan gaba ta Norway ta shiga tarihi a 2018 bayan ta zama mace ta farko da ta samu lambar yabo ta Ballon d’Or. Mai shekaru 23 ta isar da sakon karfafa gwiwa ga yara mata matasa: "Don Allah ka yi imani kan abun da za ka iya." 'Yar wasan da ta fi kowa iya taka leda, Hegerberg ta zura sama da kwallo 250 a raga da yin nasara a gasar cin kofin Turai sau uku.

Mata 10 da suka yi fice a kwallon kafa

Pernille Harder - Shahararriyar mai jefa kwallo a raga

Wasan karshe na cin kofin Turai a 2017: 'Yar wasan gaba ta Denmak Pernille Harder ta sako kwallon a gaba, ta kauce wa mai tsaron gida tare da jefa kwallo a cikin raga wanda ya daidaita ci 2-2 a wasan da Denmak ta kusan yin asarar 4-2. Irin wannan kwarewa ce ta sa 'yar wasan gaba ta Wolfsburg zama wadda tafi kowa zura kwallo a raga a wasan Bundesliga na mata na 2017-18 kuma gwarzuwar UEFA.

Mata 10 da suka yi fice a kwallon kafa

Wendie Renard: Bajintar kare gida, laifi ne mai ma'ana'

Wendie Renard ita ce jarumar Olympique Lyon da tawagar mata 'yan kwallon Faransa. Da kwarewarta a wasan baya da jefa kwallo a raga da kai, ta samu lambar yabo a Faransa sau 12 da gasar kasashen Turai sau biyar. Ana yi wa Renard kallon 'yar wasan baya da ta fi kwarewa a duniya, da alkawarin zama jigo na Les Bleues domin samun nasarar lashe gasar cin kofin duniya ta mata a gida a 2019.

Mata 10 da suka yi fice a kwallon kafa

Lucy Bronze - 'Yar wasan baya mai karfin hali

Fitacciyar 'yar wasan baya ta Olympique Lyon Lucy Bronze ta kara da tsohon kulob dinta wato Manchester City, a gasar mata ta cin kofin Turai, a wasan kusa da na karshe Inda ta samu lambar yabo ta wadda ta fi jefa kwallo a raga ta kakar wasannin. Ana yi wa Bronze kallon daya daga cikin fitattun 'yan kwallo na duniya, da ake gani za ta taka leda wa Ingila a gasar cin kofin duniya ta 2019.

Mata 10 da suka yi fice a kwallon kafa

Marta Vieira da Silva: 'An haifeni don in yi amfani da wannan basirar'

"Yaki rashin goyon baya. Yaki da dukkansu — 'yan mazan, da kuma wadanda suka ce ba za ki iya ba," Wadannan su ne kalaman da Marta ta rubuta a kan labarin da aka rubuta kan karrama 'yan wasa. Da wannan manufa ta jefa kwallo a raga har sau 110 a wasanni 133 wa Brazil, ana yi wa Marta lakabi da zakarar mata a fagen wasanni mai abun koyi ga 'yan mata a kwallon kafa.

Mata 10 da suka yi fice a kwallon kafa

Dzsenifer Marozsan - Dawowa daga jinyar kumburin jijiyoyin zuciya

A watan Yulin da ya gabata ne dai tsohuwar kaftin din ta Jamus kuma tsohuwar 'yar wasan tsakiya ta Olympique Lyon ta gamu da larurar kumburin jijiyoyin zuciya. Amma a watan Oktoba ta koma kulub dinta, kafin ta sake hadewa a kungiyar kwallon kafa ta kasa. Marozsan ta yi fice wajen tsara kwallo ga 'yan wasan gaba. Tana daya daga cikin fitattun 'yan wasa uku na Jamus.

Mata 10 da suka yi fice a kwallon kafa

Amandine Henry - 'Yar wasan tsakiya mai wayo

Kusan kowane motsi aka yi za a yabeta 'yar wasan tsakiya ta Faransa Amandine Henry (sama ta hannun dama). Ta yi tasiri wajen sha wa Faransa kwallo a kulob dinta watau Lyon. Yadda take iya karanta tsarin wasan ya sa ake wa Henry kallon daya daga cikin fitattun mata 'yan kwallon kafa a duniya.

Mata 10 da suka yi fice a kwallon kafa

Samantha Kerr –Mai juyin biri

Samantha Kerr tana da tarihin jefa kwallo a raga sau 50 a wasannin lig-lig na cikin gida a kwallon kafar mata a Amirka. Kerr na 'yar shekaru 15 da ta fara kafa tarihi a babbar kungiyar kwallon kafa ta mata a Ostireliya tun daga lokacin ta jagoranci kungiyar zuwa mataki na shida a FIFA da share fagen shiga gasar cin kofin duniya na mata a 2019. Juyin biri shi ne alamar nasararta.

Mata 10 da suka yi fice a kwallon kafa

Megan Rapinoe - Fitacciya kuma mai fafutuka

Winger Megan Rapinoe ta taimaka wa Amirka nasarar cin kofin SheBelieves na 2018, da kofin duniya na 2015, kana da zinariya a wasannin Olympics na 2012. Kaftin ta Seattle Reign FC ta jefa kwallo 12 a raga a wasanni 18 a 2017. Mai shekaru 33 da haihuwa ta zama abun koyi ga yara mata, domin a yaki da nuna wariya, inda take ba da gudunmawar kashi daya na kudinta don wannan fafutuka.

Mata 10 da suka yi fice a kwallon kafa

Saki Kumagai - Tauraruwar Japan

Kaftin din ta Japan ta lashe wasanni biyar na Faransa da wasanin zakaru sau uku a jere da kungiyar Olympique Lyonnais. Basirar Kumagai a matsayin 'yar wasan baya ta taimaka wa Japan lashe kofin gasar yankin Asiya a 2018. Ta samu nasarar jefa kwallo a bugun daga kai sai mai tsaron gida a wasan karshe da Amirka a gasar kofin duniya na 2011. A 2018 ta samu lambar yabo ta 'yar wasa da ta fi kwarewa.

Now live
A dubi shirin kai tsaye
DW English Kai tsaye

Business - Asia

Albanian Shqip

Amharic አማርኛ

Arabic العربية

Bengali বাংলা

Bosnian B/H/S

Bulgarian Български

Chinese (Simplified) 简

Chinese (Traditional) 繁

Croatian Hrvatski

Dari دری

English English

French Français

German Deutsch

Greek Ελληνικά

Hausa Hausa

Hindi हिन्दी

Indonesian Indonesia

Kiswahili Kiswahili

Macedonian Македонски

Pashto پښتو

Persian فارسی

Polish Polski

Portuguese Português para África

Portuguese Português do Brasil

Romanian Română

Russian Русский

Serbian Српски/Srpski

Spanish Español

Turkish Türkçe

Ukrainian Українська

Urdu اردو