Bikin Maulidi a Najeriya da Nijar

A daren 11 washe garin 12 ga watan Rabi'ul Awal Al'ummar Musulmi suka gudanar da tarukan maulidin zagayowar shekaru 1450 da haihuwar Annabi Muhamadu a garin Makka.

Birnin Damagaram na jamhuriyar Nijar na daga cikin garuruwan da al'ummar Musulmi ta gudanar da wannan biki kuma, Cheik Imam malam Amadu mai wa'azi daya daga cikin jagororin Musulmi a birnin na Damagarm ya yi bayani a game da fa'idar wannan biki na tunawa da ranar haifuwar manzon rahama. Tsohon shugaban kasar Nijar Alhaji Mahaman Usman da kansa ya ja karatun littafiyar ishriniya a ranar babban daren. Dubban Musulmi ne maza da mata da yara dai suka halarci masallatai da zawiyoyin da ke shirya tarukan maulidin a birnin na Damagaram. A makobciyar kasar ta Nijar ma dai cewa da Tarayyar Najeriya Musulmi sun raya babban daren a garuruwa da dama. Birnin Bauchi na daga cikin biranen da aka gudanar da wannan biki na maulidi kuma Sheik Kabir Al-Arabi Bauchi daya daga cikin shugabannin darikar Tijjaniya a garin na Bauchi ya yi bayani a game da tarihin kafuwar bukukuwan maulidin a cikin al'ummar Musulmi.

Bayanai masu kama

Rahotanni masu dangantaka