1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW

Ci gaban neman jirgin AirAsia

January 6, 2015

Gwanayen linkaya a cikin teku na ci gaba da aikin neman a yau Talata, a wani aiki da ake ganin za su kai ga wani abu da ake tsammani jirgin AirAsia ne da ya fada teku tare da fasinjoji 162.

https://p.dw.com/p/1EFQW
AirAsia Airbus 320-200 Suche Bergung 2.1. 2015
Hoto: Reuters/Bagus Indahono

A cewar shugaban aikin ceton na Indonesiya Bambang Sulistyo, a yau yanayi ya inganta saboda haka suna fatan zasu kai ga wannan jirgi , inda ake tsammanin ganin wasu fasinjojin da suka rasu a cikinsa.

Jami'an aikin ceto sun bayyana a ranar Asabar cewa na'urar da ke taimakawa wajen gano abubuwan da suka bace a zurfin teku, ta nuna alamar cewa ta gano wasu manyan abubuwa guda biyu da ake saran a sami jirgin cikinsu.

Ya zuwa yanzu dai mutane 37 ne aka gano su a mace, bayan hadarin wannan jirgi da ya bace a kan hanyarsa daga Surbaya zuwa Singapore a ranar 28 ga watan Disambar bara.

Mawallafi: Yusuf Bala
Edita: Umaru Aliyu