1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW

Ci gaban zanga-zangar adawa da Trump a Amurka

November 11, 2016

An shiga dare na biyu a zanga-zangar nuna adawa da nasarar Donald Trump a matsayin shugaban kasa, a wasu biranen kasar Amurka.

https://p.dw.com/p/2SWsC
USA Berkley Proteste gegen Trump
Hoto: picture-alliance/AP Photo/K. Skinner

A biranen Washington da Baltimore da Philadelphia da New York, masu gangami sun mamaye tituna a wani mataki na nuna bacin ransu kan nasarar da Trump ya samu. Kazalika dubban masu boren ne suka yi cincirindo a Los Angeles da San Francisco da Oakland da California da Portland da Oregon.

Duk da cewar yawancin zanga-zangar na gudana ne cikin lumana, ana gudanar da su ne a kan tituna wanda ke haifar da cikas ga harkokin sufuri da hada-hadar yau da kullum. Rahotanni na nuni da cewar gangamin na ranar Alhamis bai kai wadanda aka yi ranar Laraba ba. A birnin Washington, mutane wajen 100 ne suka yi tattaki zuwa fadar gwamnati ta white inda shugaba Barack Obama ya yi ganawarsa ta farko da mai gadon kujerarsa Donald Trump.