1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW

Cigaba da zaman sojin Amirka a Afghanistan

Ahmed SalisuSeptember 30, 2014

Afghanistan da na Amirka sun sanya hannu kan wata yarjejeniya da za ta baiwa sojin Amirka cigaba da zama a kasar har zuwa wani lokaci sabanin karshen wannan shekarar.

https://p.dw.com/p/1DNwn
Symbolbild US Truppen in Australien
Hoto: Hitchcock/Getty Images

Cikin yarjejeniyar dai sojin Amirka tare da na kungiyar kawancen tsaro ta NATO su dubu 10 za su kasance a Afghanistan din don bada horo da shawarwari ga sojin kasar bayan karewar wa'adin zamansu a ranar 31 ga watan Disamban da ke tafe.

Shugaban kasar Asraf Ghani ya ce wannan yarjejeniya da suka sanyawa hannu na nuna irin cigaba mai ma'ana da kasar ta fara samu dangane da irin dangantakar da ta ke da shi da kasashen duniya, kana yarjejeniya za ta taimakawa sha'anin tsaro da dorewar kasar baki daya.

A baya dai tsohon shugaban kasar Hamid Karzai ya ki sanya hannu kan wannan yarjejeniya duk kuwa da irin bazanar da Amirka ta yi na janye dakarunta baki daya.