1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Siyasa

Dogarin Macron ya rasa aiki kan cin zarafi

Abdul-raheem Hassan
July 20, 2018

Matakin sallamar shugaban masu kula da lafiyar shugaban kasar Faransa ya biyo bayan fitowar bidiyo da ya nuna yana dukan mutane a wurin zanga-zanga a ranar daya ga watan Mayu.

https://p.dw.com/p/31p9H
Frankreich Macrons Sicherheitshelfer Alexandre Benalla
Hoto: picture-alliance/dpa/MAXPPP

Jaridar Le Monde da ta wallafa bidiyon ta ce an gano dogarin Alexandre Benalla yana jan wata mata a wurin zanga-zanga, daga bisani aka ganshi yana dukan wani mutum. ofishin shugaban kasar ya dau matakin dakatar da shi na tsawon kwanaki 15 bayan faruwar lamarin a cikin watan Mayu.

Sai dai 'yan daawa sun yi ca kan batun gami da tabka zazzafar muhawara a majalisa, kan rashin daukar tsauraran matakan gaggawa bayan faruwar lamarin. Ana ci gaba da tsare dogarin shugaban tare da amsa tambayoyi, yayin da masu sharhi ke ganin batun ka iya shafar tasirin siyasar shugaba Macron.