1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

Fafaroma ya ce a samar da 'yancin addini

December 26, 2014

Shugaban darikar Katolika ta duniya Fafaroma Francis ya bukaci da a samar da kariya da kuma 'yancin yin addini ga ma'abota addinai daban-daban a duniya.

https://p.dw.com/p/1EAR1
Hoto: REUTERS/Andreas Solaro/Pool

Fafaroma ya yi wannan kiran ne yayin bikin ranar bada kyaututtuka a ci gaba da shagulgulan bikin Kirsimeti da ake yi a fadin duniya baki daya. Fafaroma ya kuma yi amfani da wannan dama wajen girmama Kiristoci dake cikin halin tasku a fadin duniya, tare da yi musu addu'o'i. Rahotanni sun nunar da cewa Fafaroma Francis ya yi addu'oi na musamman ga Kiristoci tsiraru da ke yankin Gabas ta Tsakiya.

Tun da fari dai Fafaroman ya tattauna ta wayar tarho da Kiristocin da 'yan ta'addan IS suka tilastawa kauracewa gidajensu wadanda ke sansanin 'yan gudun hijira na Ankawa da ke tsakiyar yankin Kurdistan na kasar Iraqi tare da yi musu kalamai na kwantar da hankali.

Mawallafiya: Lateefa Mustapha Ja'afar
Edita: Mohamadou Awal Balarabe