1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW

Faransa: Jana'izar limamin Coci Jacques Hamel

Gazali Abdou TasawaAugust 2, 2016

A Faransa a wannan Talata ce ake gudanar da jana'izar babban limamin cocin birnin Saint-Etienne-du Rouvray wanda wasu masu da'awar jihadi suka yi wa yankan rago a cikin cocinsa makonni biyu da suka gabata.

https://p.dw.com/p/1Ja0p
Frankreich Trauergottesdienst im französischen Rouen
Hoto: Getty Images/AFP/C. Triballau

Mutane kimanin dubu biyu ne ake sa ran za su halarci taron jana'izar wanda za a gudanar da misalin karfe 12 agogon JMT a babbar Cocin birnin Rouen. Kisan gillar da aka yi wa Jacques Hamel limamin Krista dan shekaru 85 a duniya ya girgiza al'ummar kasar ta Faransa musamman mabiya addinin Krista.

Musulmi da dama a kasar ta Faransa da sauran kasashen duniya sun yi tir da Allah wadai da kisan malamin Kristan wanda aka tabbatar na taka muhimmiyar rawa wajen samar da zaman lafiya tsakanin mabiya addinin Krista da na Muslmi a garin na Saint-Etienne-du Rouvray.