1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW

Gini ya rufta da mutane da dama a Indiya

September 27, 2013

Wani gini a Mumbai da ke zaman cibiyar kasuwancin kasar Inidiya ya rushe a wannan Juma'ar inda hukumomi suka ce hakan ya rutsa da mutane da dama.

https://p.dw.com/p/19pFf
ATTENTION EDITORS - VISUAL COVERAGE OF SCENES OF INJURY OR DEATH Rescue workers recover a body from the debris at the site of a collapsed residential building in Mumbai September 27, 2013. One person was killed and six injured when the five-storey building came crashing down in south Mumbai on Friday morning, local media quoted officials as saying. REUTERS/Danish Siddiqui (INDIA - Tags: DISASTER) TEMPLATE OUT
Hoto: Reuters

Rahotanni daga birnin Mumbai na kasar Indiya na cewar wani gini mai hawa biyar da ya rushe ya danne kimanin mutane saba'in da ke cikinsa.

Kamfanin dillancin labarai na AFP ya rawaito cewar a wannan Juma'ar ce ginin ya rushe kuma tuni masu bada agaji na gaggawa suka dukufa wajen zakulo mutanen da ke cikin baraguzan ginin da ya rushe.

Da ta ke tabbatar da faruwar wannan hadari, guda daga cikin jami'an gwamnati da ke yankin da abin ya faru Manisha Mahiskar ta ce ya zuwa yanzu an samu nasarar zakulo mutane bakwai da ransu.

A kwanakin baya ma dai an samu irin wannan ibtila'i a birnin na Mumbai inda kimanin mutane 74 suka rasu. Galibi dai ana alakanta faruwar wannan matsala da rashin ingancin ginin.

Mawallafi: Ahmed Salisu
Edita: Usman Shehu Usman