1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo

Gudun ambaliya a Indonesiya

Yusuf BalaDecember 24, 2014

Sama da mutane 120,000 ambaliyar ruwa ta tilastawa barin muhallansu a lardin Aceh kamar yadda jami'ai suka bayyana a kasar ta Indonesiya.

https://p.dw.com/p/1E9mz
Indonesien Flut Überschwemmung
Hoto: REUTERS/Antara Foto/Novrian Arbi

Wannan ambaliya dai na zuwa ne adaidai lokacin da lardin ke shirin bukin tunawa da ambaliyar ruwar tsunami shekaru goma da suka gabata , bikin da za a yi a ranar 26 ga watan Disamba.

A cewar Sutopo Nugroho mai magana da yawun maaikatar da ke lura da al'amuran da suka shafi afkuwar bala'oi a kasar yankuna bakwai ne dai a lardin na Aceh ambaliyar ta mamaye tun daga ranar Lahadi biyo bayan ruwan sama mai karfin gaske da aka yi a yankin.

Mutanen dai da aka tabbatar da rasuwarsu a Indonesiya sakamakon ambaliyar ruwan ta Tsumani a ranar 26 ga watan Disamba na shekarar 2004 sun haura mutane 130,000.