1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo

Gurfanar Morsi a gaban kotun Masar

Walton, LuciaNovember 4, 2013

Ana samin ƙaruwar tashin hankali a Masar a daidai lokacin da ake fara shari'ar tsohon shugaba Morsi, abin da ya sa aka tsaurara tsaro a birane da dama na wannan ƙasa.

https://p.dw.com/p/1AB3s
FILE- In this Friday, July 13, 2012 file photo, Egyptian President Mohammed Morsi holds a joint news conference with Tunisian President Moncef Marzouki, unseen, at the Presidential palace in Cairo, Egypt. Egypt¿s ousted president, Mohammed Morsi, spoke with his family by telephone for the first time since the military removed him from office and detained him in a secret location more than two months ago, one of his lawyers said Wednesday, Sept. 18, 2013. (AP Photo/Maya Alleruzzo, File)
Mohammed Morsi ArchivfotoHoto: picture alliance/AP Photo

An ba da rahoton cewar an kashe wasu 'yan sanda guda biyu a kusa da birnin Isma'iliya na ƙasar ta Masar lokaci kaɗan kafin a soma gudanar da shari'ar tsohon shugaba Morsi tare da wasu 'yan Ƙungiyar 'Yan Uwa Musulumi guda 14. Ana tuhumar Morsi da tunzura jama'a wajen haddasa yamutsin da yayi sanadiyyar mutuwar mutane da dama watannin da suka gabata.

An baza 'yan sanda kusan dubu 20 domin fuskantar zanga-zangar da Ƙungiyar ta 'Yan Uwa Musulumi ta yi kira. Yanzu haka kuma gidan telebijan na ƙasar ta Masar ya ce an iso da tsohon shugaban daga wani wurin sirrin da ake tsare da shi, zuwa wata cibiyar 'yan sanda inda za a fara yi masa shari'a.

Mawallafi : Abdourahamane Hassane
Edita : Mouhamadou Awal Balarabe