1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW

Mahari ya buda wuta a dab da ma'aikatar lekon asirin Rasha

Abdoulaye Mamane Amadou
December 19, 2019

Wani dan bindiga ya buda wuta a kasar Rasha tare da hallaka jami'in tsaro daya da raunata jama'a a dab da harabar ma'aikatar leken asirin kasar da ke tsakiyar birnin Moscow.

https://p.dw.com/p/3V6fj
Russland Unbekannter schießt in Moskau an Geheimdienst-Zentrale
Hoto: Reuters/S. Zhumatov

Rahotanni sun shedawa kafafen yada labarai cewa jami'an tsaro sun bindige maharin, sai dai daga nasu bangare har yanzu hukumomin ba su yi wani karin bayani ba dangance da kai harin, to amma kuma wata majiya ta sheda da cewa ana ci gaba da bincike domin gano wanda ya kai harin, kana shedu sun ce an ga jami'an tsaro sun killace wurin da aka yi harbe-harben, lamarin da kuma ya haifar da cinkoson ababen hawa. A shekararun da suka gabata dai kasar ta Rasha ta sha fuskantar hare-hare makamancin wannan, wanda aka alakanta da yakin da aka sha yi a yankin Ceceniya masu neman ballewa.