1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Siyasa

Ignace Murwanashyaka ya mutu

Abdourahamane Hassane
April 18, 2019

Wata kotu a birnin Stuttgart na Jamus ta sanar da cewar jagoran 'yan tawaye na 'yan kabilar Hutu na Ruwanda wanda ake tuhuma da laifin aikata cin zarafin bil Adama a Kwango a shekara ta 2009 ya mutu.

https://p.dw.com/p/3H2Jr
Ignace Murwanashyaka
Hoto: picture-alliance/ dpa

Ignace Murwanashyaka ya rasu a Jamus inda ake tsare da shi a gidan kurkuku inda yake jiran kotu ta sake duba hukuncin da aka yanke masa. Ignace Murwanashyaka wanda ya mutu a wani asibitin jami'ar Mannheim, dan kimanin shekaru 55 kotun ta ce ba ta da bayyanai a game da cutar da ta kasheshi saboda siri na likita. Tun farko kotun Karlsruhe ta yanke wa jagoran na kungiyar mayakan FDLR hukuncin daurin shekaru 13 a shekara ta 20015, bayan da ta sameshi da laifin ba da umurnin kai hare-hare a arewacin Kivu tun a shekara ta 1980.