1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo

Japan: Jam'iyyar Shinzo Abe na kan hanyar samu nasara

Abdourahamane HassaneJuly 10, 2016

Wani hasashe da wasu manyan gidajen talabijan na Japan suka bayyana bayan kammala zaben 'yan majalisun dokoki, ya nuna cewar jam'yyar LDP da kawayenta za su samu nasara.

https://p.dw.com/p/1JMZ3
Japan PK Shinzo Abe
Hoto: Reuters/T. Peter

Bayanan hasashen sun ce jam'iyyar Liberal Democratic Party LDP a takaice, ta masu ra'ayin rikau da kawarta ta Komeito sun samu kujeru 67 daga cikin kujeru 76 na 'yan majalisun. Jam'iyyar ta LDP wacce ke mulkin a Japan tun daga shekara ta 1955 ba tsaiko, ta kalubalanci jam'iyyar masu tsatsauran ra'ayi wacce karfinta ya ragu sosai a Japan, kuma idan nasarar ta tabbata a karon farko za a yi wa kundin tsarin mulkin na Japan din kwaskorima domin kaddamar da wasu sauye-sauye a harkokin gudanar da mulki.