1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani

Jam'iyyar PP ta sha kaye a zaben Spain

Ahmed SalisuDecember 21, 2015

'Yan siyasa a kasar Spain sun fara shiri na girka sabuwar gwamnati bayan da jam'iyya Popular Party da ke mulki ta rasa rinjayen da ta ke da shi a majalisar dokoki.

https://p.dw.com/p/1HQvZ
Shugaban jam'iyyar Podemus Pablo Iglesias
Shugaban jam'iyyar Podemus Pablo IglesiasHoto: Reuters/S. Perez

Sakamakon da ya fita dai a zaben na jiya Lahadi ya nuna cewar jam'iyyar PP din ta sha kan sauran jam'iyyu a yawan kujerun da ta samu majalisar dokokin kasar sai dai hakan bai isheta ta iya jagorantar majalisar ba.

Jam'iyyar Socialist da ta Podemus da wasu kananan jam'iyyu a karon farko sun taka rawa ta a zo a gani a zaben, lamarin da ake ganin zai sauya alkiblar siyasar kasar ta Spaniya.

Pablo Iglesias da ke jagorantar jam'iyyar ta Podemus ya ce su na cike da farin ciki kasancewar babakeren da wasu jam'iyyu biyu suka yi ya kawo karshe kana za a bude wani sabon babi a fagen siyasar Spain.