1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Siyasa

Jamus ta tsaurara matakan yaki da corona

Binta Aliyu Zurmi MNA
August 27, 2020

A wani yunkuri na rage karuwar da cutar corona ke yi a Jamus, shugabar gwamnati Angela Merkel ta gana da gwamnoni 16 da ke kasar domin daukar matakan yaki da cutar a kasar.

https://p.dw.com/p/3haeE
Belgien I EU-Gipfel in Brüssel I Angela Merkel
Hoto: Reuters/Pool/J. Thys

Angela Merkel dai na mai goyon bayan saka haraji na Euro 50, kwatankwacin Naira dubu 22, ga duk wanda aka kama ba ya sanye da takunkumin rufe baki da hanci a bainar jama'a. Har wayau tana mai bukatar saka dokar rage yawan taron mutane a cikin gida da ma waje.

Shugabar gwamnatin ta ce tana goyon bayan ministan lafiya da ya bukaci a daina gwajin cutar kyauta ga masu dawowa balaguro daga ketare.

A baya dai Jamus ta yi nasarar shawo kan annobar amma bisa janye dokokin da suka sanya a farkon shekarar nan ana yawan samun sabbin kamu da cutar a yanzu haka.