1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Siyasa

Karuwar annobar kwalara a Yemen

Muntaqa Ahiwa
July 22, 2017

Hukumar lafiya ta Majalisar Dinkin Duniya tare da wasu kungiyoyin agaji sun sake yin kashedi dangane da yaduwar da annobar kwalara ke ci gaba da yi a kasar Yemen.

https://p.dw.com/p/2h0i5
Jemen Cholera
Hoto: Reuters/A.Zeyad

A cewar hukumar, matsalar ka iya zarta wadda ta faru a kasar Haiti da ke matsayi mafi muni tun a shekara ta 2010. Ta ce babu alamun shawo kan annobar ya zuwa yanzu, musamman ma yadda damina ke kara ta'azzara lamarin, a cewar mai magana da yawun MDD a Yemen din, Farhan Haq.

Ita ma kungiyar agaji ta OXFAM wadda ke da cibiya a Birtaniya, ta ce wannan shi ne yanayi mafi muni da aka taba gani a tsukin shekara guda. Sama da mutum dubu da 800 ne dai cutar ta halaka yayin da wasu dubu 370 kuwa suka kamu, daga watan Afrilun zuwa wannan lokacin.