1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Mayar da hankali
Ilimin Fasahar Zamani
Siyasa

Kawo karshen amfaní da makamashin kwal

Binta Aliyu Zurmi
May 27, 2022

Shugabannin kungiyar kasashe masu cigaban masana'antu na G7 sun cimma matsaya na kawo karshen amfani da makamashi kwal nan da shekarar 2035 a sanarwar da kungiyar ta fidda.

https://p.dw.com/p/4Bxyr
Deutschland | Treffen der G7-Minister für Klima, Energie und Umwelt
Hoto: Thomas Koehler/photothek/picture alliance

Sanarwar da Jamus da Birtaniya da Faransa da Italiya da Japan da Canada gami da Amirka suka fidda a karshen taronsu na kwanaki uku a Berlin, na zuwa ne a daidai lokacin da kasashen yamma ke fuskantar barazanar tsadar makamashi a sabili da yakin da Rasha ke yi a Ukraine. Kuma suke neman sabbin hanyoyin rufe gibin makamashin da suke samu daga Rasha ruwa a jallo.

Jamus da ke zama shugabar kungiyar a yanzu haka ta ce a yayin da suke kokarin lalubo sabbin hanyoyi dole ne su lura da bukatar inganta muhalli.

Shugabannin kungiyar dai sun sha alwashin karkata ga makamashin da ake sabuntawa. A karon farko kungiyar ta G7 ta kuma sha alwashin taimakawa kasashe matalauta a saboda kalubalen da suke fuskanta kan sauyin yanayi.