1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Siyasa

Ma'aikata 900 sun makale a karkashin kasa

Yusuf Bala Nayaya
February 1, 2018

Fiye da masu aikin hakar ma'adanai 900 ne suka makale a wajen hakar ma'adanan zinare a lardin Free State na Afirka ta Kudu inda suke can karkashin kasa da misalin zurfin mita 700 zuwa 2,200.

https://p.dw.com/p/2rwMV
Südafrika illegale Goldmine bei Soweto, Johannesburg
Aikin hakar ma'adanai na cike da hadari a Afirka ta KuduHoto: picture-alliance/dpa/K. Ludbrook

Masu aikin hakar ma'adanan sun makale ne a karkashin kasa tun a ranar Laraba saboda daukewar hasken wutar lantarki kamar yadda kungiyar ma'aikatan ta (AMCU) ta bayyana inda ta bukaci masu wurin hakar ma'adanan wato kamfanin Sibanye-Stillwater su gaggauta aikin ceton al'umma.

Kawo yanzu dai an samu damar fitar da masu aikin hakar ma'adanan su 64 amma sama da 900 na karkashin kasa. Shi dai kamfanin Sibanye-Stillwater ya kasance daya daga cikin kamfanonin da suke aikin samar da zinare 10 mafiya girma a duniya.